Dubrovnik
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Dubrovnik [ˈdǔbrɔ̞ːʋnik] (Latien: Rausium, later Ragusium; Italiaons en Duits: Ragusa, awwer ouch: Ragus) is 'n stad in zuielek Kroatië aon de Adriatische kus. De aw stad is in 1979 touwgevoog op de UNESCO-werelderfgoodlies.
De stad, mit 'n inwoenersaontal vaan mie es 40.000 (2023), is 't bestuurlek centrum vaan 't graofsjap Dubrovnik-Neretva en de hoofstad vaan 't katteliek bisdom. De mierderheid vaan de bevolking, mie es 90%, is etnische Kroate. Minderheje zien Bosniërs, Serve, Montenegrieners, Albaneze en 'n klein Juudse gemeinsjap. Dubrovnik waor en is e centrum vaan de Kroatische cultuur. Historisch gezeen waor 't 'n belangrieke handelsstad en hoofstad vaan de veurmaoleg Rippebliek Ragusa. Väöl belangrieke Kroatische diechters, kunsteneers, gelierde, mathematikers en fysici komme oet Dubrovnik.
De Kroatische naom vaan de stad is aofgeleid vaan 't Slavisch woord dubrava (eikebos); De Roemse naom Ragusa/Rausa geit trök op de naom vaan 't klein eilaand boe de ierste vesteging (Lave, Lausa) op is gestiech.
De Kroatische Oonaofhankeligsheedskrieg woort hel bevochte hei, veural in 1991, wie de stad woort gebombardeerd door Servië.
- Brón: Duitstaolege Wikipedia