Dichter der Nederlanden
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Dichter der Nederlanden ('Diechter vaan de Nederlen'), tot 2025 Dichter des Vaderlands is 'nen titel en 'n functie die veur 'ne bepaolden tied weurt vergeve aon 'ne Nederlandsen diechter. Heer of zij heet es opdrach veur gediechte te sjrieve bij dinger die de lui in Nederland bezeghawwe, in 't bezunder oet de actualiteit. Me maag de oonderwerpe tot op zeker huugde zelf oetzeuke; d'n diechter maag oonderwijl ouch rösteg publicere euver aander oonderwerpe.
De functie is in 2000 ingestèld op initiatief vaan de gezèt NRC Handelsblad, d'n umroop NPS en de organisatie Poetry International, en is geïnspireerd op de Britse poet laureate.
Lies
[bewirk | brón bewèrke]| Diechter | Ambstied |
|---|---|
| Gerrit Komrij | 2000-2004 |
| Simon Vinkenoog | 2004-2005 |
| Driek van Wissen | 2005-2009 |
| Ramsey Nasr | 2009-2013 |
| Anne Vegter | 2013-2017 |
| Ester Naomi Perquin | 2017-2019 |
| Tsead Bruinja | 2019-2021 |
| Lieke Marsman | 2021-2023 |
| Babs Gons | 2023-2025 |
| Nisrine Mbarki | 2026-2028 |
Naovolging
[bewirk | brón bewèrke]Door de loup vaan de jaore heer heet me ouch oonder mie 'ne Componist der Nederlanden en 'nen Theoloog der Nederlanden ingestèld. Daobij höbbe versjèllende stei ouch hun eige stadsdiechters.