D-Day
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
D'n D-Day (oetspraok: Die-Deej) is d'n daag wienie 't 'ne behöbbeleken aonval of 'n militair operatie gief.
Oetdrökking D-day
[bewirk | brón bewèrke]De oetdrökkinge D-Day en H-Hour (oetspraok: Heedsj-Ouwer) weure gebruuk um, achterein, d'n daag en 't oor aon te stèlle wienie 't 'n militair operatie gief. De lètters zien gededuceerd vaan de Ingelse wäörd boeveur zie staon: D veur day (daag) en h veur hour (oor). 't Gief einen daag en ein oor veur alle participerende tróppe die aon dezelfde operatie mètdoen.
Normandië
[bewirk | brón bewèrke] Betrach Operatie Overlord veur 't hoofartikel euver dit óngerwerp. |
| Betrach Omaha Beach veur 't hoofartikel euver dit óngerwerp. |
De bekinste militair operatie die oonder de naom D-Day bekind is geraak in de historie vaan Europa is Operatie Overlord, de geallieerde neerkaoms in Normandië op d'n dinsdag vaan 6 juni 1944. Heer zou bekind komme te stoon es e kierpönt in d'n Twiede Wereldoorlog. Deen daag op oonder aandere Omaha Beach waor de groetse amfibische invasie in de minseleke historie en d'n aonstoet vaan 't oontzat vaan Wes-Europa contra Nazi-Duitsland. In Oos-Europa waore de Nazis al aon 't verleze vaan de Sovjet-Unie en twie daog daoveur waor Roeme door de geallieerde veroverd.