Chartaol geld

Euro-munte en -biljètte; 't chartaol geld vaan d'n Eurozone en daomèt 't groetse deil vaan de Europese Unie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Chartaol geld, contant geld of ba(a)rgeld (in 't vakjargon geld vaan de centraole baank of pebliek geld, in alledaogse taol ouch cash geneump) is ‘t concreet geld wat circuleert es wètteleke geldmoyen veur ‘t pebliek. 't Chartaol geld besteit oet circulatiemunte en baankbiljètte en kin fysiek weure vasgehawwe, in taegestelling tot baankbiljètte die op 'n bankrekening weure behawwe. ‘t Weurt officieel in len wie Nederland, Belsj en Duutsland in circulatie gebrach volges Europese reigelgeving, en weurt ouch officieel in de merret getrokke via ‘t Keuninklek Besluut en 't staotsblaad.

Chartaol geld, same mèt elektronisch geld, maak oonderdeil oet vaan de sociaol geldveurraod; dat heet ‘t geld in ‘t bezit vaan de bevolking en de instellinge, mit oetzundering vaan “geldreserves in de vörm vaan chartaol geld” vaan de baanke.