Brussels Hoofsjtaejelik Gewes

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

't Brussels Hoofsjtaejelik Gewes (Nederlands: Brussels Hoofdstedelijk Gewest, Frans: Région de Bruxelles-Capitale) ies ein van de drie geweste van Belsj. De ander twiè geweste zint Vlaandere en Wallonië, 't Gewes Brussel haet 'n oppervlakte van 162,42 km² en haw 1.255.795 inweunersj in 2025 ('n flinke greui vergeleke mèt 2000, wie ze 959.318 inweunersj haw). De hoofsjtad ies de gemeinte Brussel. 't Gewes ies opgedeild in 19 gemeintes.

't Brussels Hoofsjtaejelik Gewes haet 'n parlement en 'n regionaal regering. De zoagenaamde communautair aangelegehede wie cultuur, ónderwies, taal en gezóndheidszörg valle ónder de bevoogheid van de Vlaamse en de Franse Gemeinsjap. In 't gewes haet 'n mièrderheid van de bevolking 't Frans es ièrsjte taal, meh d'r wone ouch Vlaminge (Nederlandstalige). Allebei dees tale zint officieel in 't gewes en bienao alle officieel en semi-officieel insjtèllinge zint twiètalig. In e deil van de gemeintes in 't gewes zint Franstalige 'n groate mièrderheid, wiel dees gemeintes officieel Nederlandstalig zint. Zès van de twelf randgemeintes zint faciliteitegemeintes. Af en toe zint d'r incidente mèt betrèkking tot taalproblematiek. 't Gewes vèlt ónder de keeskrink Brussel-Halle-Vilvoorde, dat ziech oetsjtrek euver twiètalig (Frans-Nederlands) en eintalig (Nederlands) gebied en woavan de Vlaamse partieje verlange dat 'r gesjpliets weurt. De Franstalige wille dat de 6 randgemeintes mèt faciliteite opgenaome werre in 't twietalige Brussel.

Bestuurleke indeiling (officiële name)

't Brussels Hoofsjtaejelik Gewes haet ein arrondissement:

Brussel-Hoofdstad/Bruxelles-Capitale (Brussel-Hoofsjtad)

't Gewes haet 19 gemeintes:

Nr.	Nederlands	Frans
1	Anderlecht (Anderlech)	Anderlecht
2	Brussel (-Sjtad)	Bruxelles
3	Elsene	Ixelles
4	Etterbeek	Etterbeek
5	Evere	Evere
6	Ganshoren	Ganshoren
7	Jette	Jette
8	Koekelberg	Koekelberg
9	Oudergem	Auderghem
10	Schaarbeek	Schaerbeek
11	Sint-Agatha-Berchem	Berchem-Sainte-Agathe
12	Sint-Gillis	Saint-Gilles
13	Sint-Jans-Molenbeek	Molenbeek-Saint-Jean
14	Sint-Joost-ten-Node	Saint-Josse-ten-Noode
15	Sint-Lambrechts-Woluwe	Woluwe-Saint-Lambert
16	Sint-Pieters-Woluwe	Woluwe-Saint-Pierre
17	Ukkel	Uccle
18	Vorst	Forest
19	Watermaal-Bosvoorde	Watermael-Boitsfort

Externe link

Officieel site van 't Brussels Hoofsjtaejelik Gewes

Geweste, gemiensjappe en provincies van 't Belsj
Geweste: Brusselse Gewes Vlaomse Gewes – provincies: Antwerpe · Limburg · Oos-Vlaondere · Vlaoms-Braobant · Wes-Vlaondere Waolse Gewes – provincies: Henegouwe · Luuk · Luxemburg · Name · Waols-Braobant
Gemiensjappe: Duutsjtaolege Gemiensjap • Franse Gemiensjap • Vlaomse Gemiensjap