Bouvet

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Bouvet
Gebeedsdeil van	Keuninkriek Noorwege
Basisgegaevens
Officieel taal	Noors
Hoofsjtad	gein; in praktiek Oslo
Sjtaotsvörm	Aofhaankelek gebeed oonder de soevereniteit vaan Noorwege
Sjtaotshoof	Keuning Harald V vaan Noorwege
[[{{{titelhoofregering}}}]]	{{{naamhoofregering}}}
[[{{{titelhoofregering1}}}]]	{{{naamhoofregering1}}}
[[{{{titelhoofregering2}}}]]	{{{naamhoofregering2}}}
Opperflaakde – % water	49 km² gein%
Inwoeners – Deechde:	0 0/km²
Biekómmende gegaeves
Munteinheid	officieel: Noorse kroen, in praktiek: gein (-)
Tiedzaone	UTC +1
Nationale fiesdaag	gein
Vouksleed	gein
Web | Code | Tel.	.bv | BVT | +

Bouvet of 't Bouveteilaand (Noors: Bouvetøya) is 'n Antartisch eilaand wat ligk op de breiddegraod 54° 26' ZB, 3° 24' OL, in de zuieleke Atlantische Oceaon - te noorde van Antarctica en te zuidweste vaan Zuid-Afrika. Bouvet is 'n aofhaankelek gebeed oonder de soevereniteit vaan Noorwege. 't Korts bijziende stökske laand ligk hei 1700 km vaandan, op de Prinses Astridkös, 'n deil vaan 't ouch door Noorwege geclaimde Keuningin Maudland in Antarctica. 't Kortsgelege bewoende gebeed is 't eilendsje Tristan de Cunha wat 2260 km te noorde vaan Bouvet ligk. Zuid-Afrika ligk zoe'n 2600 km vaan Bouvet aof.

Historie en polletiek

't Eilendsje woort oontdek in 1739 door de Fransen officier Jean-Baptiste Bouvet de Lozier, boe de plaots häöre naom aon te daanke heet. Op 10 december 1825 woort aongespraok gemaak op 't eilendsje door 't Vereineg Keuninkriek. De Britse regiering herneumde 't eilaand Liverpool Island. Op 1 december 1927 naom Noorwege 't gebeed euver oonder Lars Christensen boenao d'n awwe Franse naom woort trök gedreid. Wijl 't spanninge goof mèt de Britse regiering, zoog die aof vaan aonspraok. Wijl 't evenins door Noorwege-gelaimde Keuningin Maudland en Peter I-eilaand oonder 't Verdraag vaan Antarctica valle en daodoor betwis weure door 't Vereineg Keuninkriek, is dat neet 't geval mèt Bouvet.

Bouvet vilt officieel néét oonder 't Keuninkriek Noorwege (aanders dus es beveurbeeld Curaçao veur 't Nederlands Keuninkriek) mer vilt wél oonder de Noorse soevereiniteit: de Noorse regiering heet dus 't lèste woord op Bouvet, zoe-ouch de Noorse wèt. Dit meint ouch tot Noorwege op eder momint aofstand kin nömme vaan 't eilendsje zoonder tot daomèt de Noorse staot contra zien eige constitutie ingeit (die de oonveraanderlekheid vaan 't Keuninkriek belaof in stand te hawwe).

Allewel 't eilendsje Bouvet oonbewoend is, heet 't alle internationaal bevooghede um ziechzelf te prizzentiere es e land binne 'n euverkoepelend land, wie Curaçao dat deit binne 't kader vaan 't Nederlands Keuninkriek. Zoe heet Bouvet zien eige landcode (ISO 3166-1), naomelek BVT, en zienen Top-level domain, naomelek .bv. 'ne Landnómmer heet Bouvet nog neet, umtot 't dao gein tillefoonverbinding gief. In prinsiep zou Noorwege dat wel mage opeise.