Bieles

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Bieles (Luxembörgs), Belvaux (Frans) of Beles (Duuts) is 'n stedsje in de gemeinte Sanem, in 't zuudweste vaan 't land Luxembörg. In 2024 goof 't 8.329 lui in Bieles. Bieles ligk in ‘t kanton vaan Esch-sur-Alzette en heet 'n aajd centrum mèt kèrk, 'n industriegebeed en 'n sjaol. Ze ligk es stad op 'ne interessante ikkenomische plaots, pal op de grens mèt Fraankriek. De naom Beles weurt allewijl minder gebruuk. Lui oet Bieles/Belvaux spreke vaanajds dominant Luxembörgs en Frans.

Versjèllende bekinde Luxembörgers zien gebore of opgegreuid in Belvaux, boe-oonder de christendemocraat Jean-Claude Juncker dee premier vaan Luxembörg zaw weure en, later, de President vaan de Europese Kemissie woort.

Symbool vaan Bieles is de hoesgeit. Inwoeners verkleie ziech vaanajds es hoesgeit tiejes Vastelaovend. Bieles is daan ouch, wie aander stei en dörper in Luxembörg, vaanajds dominant Roems-Katheliek.