Bevölking

Van Wikipedia
Naar navigatie springen Jump to search

Dit artikel is begós in 't Mofers. Laes hie wie v'r mit de versjillende saorte Limburgs ómgaon.


Ónger bevölking waeren alle inwoeaners van e bepaoldj landj, gebied of staot geraekendj. De bevölking wuuertj ouch waal populatie of inwoeaners geneump. Meistes wuuertj 't waord gebroek in kómbinaasje mit 't inwoeanertaal veur 't aantaal inwoeaners aan te gaeve.

De bevölkingsdichheid guuef aan wieväöl luuj of organisme 'n oppervlakdje-einheid bewoeane.

Bevölking en bevölkingsdichheid van e gebied zeen statische infermaasje die op väöl plaatsen is trögk te vinje, beveurbeildj in 'nen atlas. Veur 't gebroek kan dees infermaasje es ciefers zeen opgesplits nao bevölkingsgruup, laeftied of geslech. In det geval wuuertj gespraoken euver bevölkingssamestèlling.

E gebied mit betrèkkelik weinig bevölking hètj dónbevölk en mit väöl bevölking dich- of toebevölk. Mongolië is e dónbevölk landj; Nederlandj e toe. Binne Nederlandj is de Randjstad toebevölk en 't naorde (Frieslandj, Greuningen en Drenthe) dónt.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Bevölking&oldid=396804"