Jakarta
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Jakarta (tot 1972, en noe nog wel in 't Nederlands, Djakarta) is de groetste stad vaan Indonesië. Ze ligk in 't weste vaan 't eiland Java, kortbij zie. De Bezunder Hoofstadregio Jakarta (Indonesisch: Daerah Khusus Ibu Kota Jakarta) umvat 'n oppervlaakde vaan 664 km² en 'n bevolking vaan mie es tien mieljoen lui. De stad domineert 't land op cultureel en economisch gebeed. Tot 2024, wie de geplande hoofstad Nusanatara in gebruuk woort genome, waor 't ouch de hoofstad vaan Indonesië.
Jakarta woort volgens de euverlievering in 397 gestiech es Sunda Kelapa, residentie vaan Tarumanagara. De jaortalle zien neet te verifiëre meh 't bestoon vaan dit riek liet ziech aon de haand vaan inscripties en Chinese almanakke wel aontuine. In 1527 oonderworp 't sultanaot Demak de stad en herneumde ze tot Jayakarta. In dezelfden iew kaome de ierste Portugese, Ingelse en Hollandse sjeper in 't gebeed aon. Vaanaof 1619 waore de Hollenders hier en meister; de res vaan de koloniaolen tied hètde de stad Batavia. De stad greujde oonder Nederlands bewind tot mie es 'n haaf mieljoen inwoeners. In 1946 herduipde de Indonesische nationaliste de stad in Djakarta. Sindsdeen heet de stad constant immigratie vaanoet de res vaan 't land gekind.
Dit artikel is e sjtumpke. De kans Wikipedia helpe door 't aan te völle