Barentszziè

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De ligking van de Barentszziè.

De Barentszziè (Noors: Barentshavet; Rössisch: Баренцево море Barentsevo More) is 'n ziè t'n naorde van Röslandj en Noorwaeg. De bei lenj betwösjte de ligking van de ziègrens, wobie de Nore de veurkäör höbbe veur de mediaan ('t midde tösse de landjsgrenze) en de Rösse veur de meridiaan (gelink aan de poale).

De ziè is geneump nao de Nederlandjse zièvaarder en óntdèkkingsreiziger Willem Barentsz dae in 1596 strandje op Nova Zembla. Vreuger neumdje me de ziè ouch waal de Moermanskziè.

t'n Zuje van de ziè bevinje zich Laplandj (mit de Naordkaap) mit 't sjiereilandj Kola en 't wiejer vastelandj van Röslandj (worónger 't Kanin-sjiereilandj), es ouch 't Rössisch eilandj Kolgoejev. Aan de oaskantj weurt de ziè begrens door de archipel Nova Zembla, in 't naordwèste door Spitsberge, in 't wèste door 't Baereneilandj en in 't naordoaste door Frans Jozeflandj.

t'n Wèste geit de ziè euver in de Greunlandjse Ziè en de Noorse Ziè, in 't oaste in de Karaziè (gesjeie vanein door Nova Zembla), in 't zuje in de Witte Ziè en in 't naorde in de Naordelike Iesziè.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Barentszziè&oldid=420328"