Barakkeberg

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Mergele hoezer, vreuger koetsjhoes en koetsjiershoes van hotel Geulzich aan de Barakkeberg

De Barakkeberg, officieel Vogelzangweg, ies 'n helling in Geulem in de gemeinte Valkeberg aan de Geul in Zuud-Limburg. De naam Barakkeberg kump van barakke, die hie in de 20e ièw gesjtange höbbe. Die zint noe verdwene. Waal sjteit d'r ein hotel en e paar hoezer aan de geasfalteerde weeg. Ouch bevingk ziech hie kesjtièl Geulzicht in neogotische sjtiel. Alle beboewing ies in mergel opgetrokke, dae plaatselik gewonne ies in de berg. In deze berg bevingk ziech 'n grotcafé-restaurant, "de caverne de Geulhem". De Barakkeberg löp parallel aan de Geulemerberg, dae 'n paar hónderd maetersj nao 't weste liek. Bovenop liek de oastelike beboewing van 't kèrkdörp Berg. Aan de voot sjtruimp de Geul en sjtrek ziech 't Ingendal (baemde) oet.

Fietsrenne[bewirk | brón bewèrke]

De geasfalteerde holle waeg, dae door 'ne hellingbösj löp, ies 'n trajek, mèt 'n hellingspercentage van 14%, veur fietsrenwedsjtrieje zoa-es de Amstel-Goldrace, Nationaal- en Waereldkampioensjappe.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Barakkeberg&oldid=341819"