Barachius

Van Wikipedia
Naar navigatie springen Jump to search

Dit artikel is begós in 't Valkebergs. Laes hie wie v'r mit de versjillende saorte Limburgs ómgaon.


Barachius waor 'ne martelaer in de 4e ièw. Hae waor de broor van Jonas. 't Waor in de tied dat 't Christendom ziech in Perzië aan 't oetbreie waor, vanoet 't Romeins riek. De keizer van Perzië zaog dat es 'n bedreiging van de sjtaatsgodsdeens en hae kóndigde vervolginge aan. Ederein dae 't Christendom oetdroog zou gevange gezat were en zjwoar martelinge óndergoon.

Zoa ging Barachius, same mèt ziene broor Jonas, de geloufsgenote truèste in de gevangenis. Dao-op woorte zie zelf gevange gezat en ze woorte verpliech de Perzische zónnegod te aanbaeje. Ze weigerde èvvel allebei en toen woorte ze gemarteld. Naodat Jonas 'ne gruwelike marteldoad waor gesjtorve, waor 't de beurt aan Barachius, dae ummer wir obbenuuts gefolterd woort umdat 'r mer neet doad wol goon. Op 't lèts woort ziene mónd mèt 'n klem opegezat en häöm heite zjwavel ingesjot.

Fièsdaag[bewirk | brón bewèrke]

De fièsdaag vèlt same mèt dae van de heilige Sulpitius op 29 mièrt.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Barachius&oldid=348984"