Baerke vanne Seel

Van Wikipedia
Gank nao: navigatie, zeuke
Baerke vanne Seel in zien jóng jaore

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Baerke vanne Seel

Lambertus Zele (Zeelen) (23 augustus 1912-5 december 1993), inne wanjeling baeter bekèndj es Baerke vanne Seel, waas 'ne Moferse kapper en winkeleer. Daonaeve haet d'r ouch e kefee gadj, en waas d'r klokkemaeker. Meh mit zie slókwinkelke is d'r toch waal e begrip in Mofert gewore. Dit haet toet 't begin vanne jaore negetig bestange.

Winkelke[bewirk | brontekst bewerken]

Gezich op mertplein mit rechs 't winkelke

't Hoes lik op 'nen hook oppe Mert, ane bushalte sjuuns taengeneuver Riech[1]. Nao de Twieëdje Werreldoorlog is dit hoes geboewdj en verhoesdje zie vanne Kirkstraot nao de Mert..

D'n ingank van 't winkelke lik in e klein helke. Rechdoor waas 'nen doorgank nao 't winkelke, wo se toebakswaore en slók kós kriege. Ane rechterkantj woor 'n deur nao de ieszaak, wo vreuger ieskes verkóch waerdje. Ouch is d'r e krokettehelke gewaes.


Baerkeskapsel[bewirk | brontekst bewerken]

'n Baerkeskapsel is 'n benaming van e kinmerkendj kapsel det deze vreugere kapper knipdje. 't Zów volges bepaolde brónne ei kapsel mótte zeen gewaes mit 'n sjei ane ziekantj. Waat vassteit, is det 't hieël herkènbaar waas. Omdet de kapper väöl luuj op dees maneer knipdje, waerdjen 't door innige luuj 'n Baerkeskapsel geneump, nao ziene veurnaam.

Trivia[bewirk | brontekst bewerken]

  • Es se bie Baer óm slók góngs, moogdjes se neet zègke: "Baerke, dooch mich get baerkes."
  • Baer is nao zienen doead nag regelmaotig inne Vastelaovesgezèt versjene.
  • In 1977 haet Baer same mit Graat Maosse en Joh. Kempkes Mofert vertaengeweurdig bie 't interactief ROZ-speelprogram in wèdstriedvorm tösse Limburgse plaatse, 'Heen en Weer'. In 'n euver en weer van historische vraoge euver de eige woonplaats, höbbe ze Valkeberg verslage in 'nen halve finale, wonao ze zich ouch taenge Vloearep höbbe beweze.

Noeat[bewirk | brontekst bewerken]

  1. Richard Mans (gebaore in Mofert), woor 'ne bekker in Mofert ane Mert naeven 't aad gemèndjehoes. De bekkerie en winkel bestaon nag ummer. De bekkerswage is d'r nao jaorelang troewe deens mit opgehaje. In Mofert zègke ze nag ummer Riech es m'n 't euver de winkel (Pryma) van Mans haet.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Baerke_vanne_Seel&oldid=348977"