Kaukasischen akkelej

Van Wikipedia
(Doorverweze van Aquilegia olympica)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Kaukasische akkelej.

De Kaukasischen of olympischen akkelej (Aquilegia olympica) is 'n euverblievendje plantj oete ranonkelfemielje (Ranunculaceae).

De Kaukasischen akkelej greutj toet 'n huuegdje van 40 toet 60 cm en haet groeate leechblaw, sómwiel raos blome. Dees höbben 'nen diamaeter toet 10 cm. Hievan zeen de kelchblajer blawgekluuerdj enne kroeanblajer wit. De spitse kelchblajer zeen langer es de kroeanblajer. De Kaukasischen akkelej bleutj vanaaf mei, veuren doer van 30 de 35 daag. Sómwiel truuedj nag 'nen twieëdje bleuj op, wen spraok is van 'n werm herfs.

De Kaukasischen akkelej kump veur inne Kaukasus, Griekelandj, Klein-Azië en 't naorde van Iraan. De plantj kump veur tössen 'n stroekgewesj, in bus en op graaslenj in subalpien en alpien zaons. Ze greutj op 'n huuegdje van 1.220 toet 3.645 m baove zieëspegel.

De Kaukasischen akkelej wuuertj väöl es sierplantj gebroek in steinhäöf en gehöltjgruup.

Zuuch ouch[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Kaukasischen_akkelej&oldid=417606"