André van den Heuvel

Van Wikipedia
Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Tegels, es te dit dialek sjpriks.

André van den Heuvel

Achtergrondjinfermasie
Volledige naam Andreas Petrus Gerardus (André) van den Heuvel
Gebore 4 juni 1927

Andreas Petrus Gerardus (André) van den Heuvel (*Tegele, 4 juni 1927-†Amsterdam, 9 februari 2016) waas eine Nederlandse acteur en regisseur, dae debuteerde in 1950 in ‘t sjtök Amphytrion van Jean-Pierre Giraudoux.

Zien ech teneeldebuut belaefde hae in de jaore daoaan veuraafgaond es amateur in de tradisjenele Tegelse passiesjpele in zien gebaortedörp. Van den Heuvel haet zoa ongevieër alle groate rolle in alle belangrieke stökke vertolkt, variërend van Shakespeare tot Euripides en van Vondel tot Brecht. Van den Heuvel wón tweimaol de Louis d'Or-pries. Hae sjpeelde verder in óngermieë de tilleviezieseries "De Weg" (1982, KRO) en "De Partizanen" (1995, KRO), In naam der Koningin (1996). Daonaeve sjpeelde hae in 1965 in de ieësjte Annie M.G. Schmidt/Harry Bannink-musical Heerlijk duurt het langst. Hieël bekènd is ‘t daooet aafkómstige leedje Op een mooie Pinksterdag dat hae same mèt Leen Jongewaard zóng. Auch waas hae te zeen es groatvader in de sjpeelfilm De rode zwaan (1996).

Bekènd woort Van den Heuvel auch van de tilleviziereclamesjpotjes van de NMB (tegewoordig ING). Vanaaf tachtigjaorige laeftied hilt Van den Heuvel zich bezig mèt beeldhouwe. Mèt teneelspele is hae in 2007 gesjtop - mèr in 2008 waas hae nog te zeen es Herman Batenburg in de Nederlandse advocateserie Keyzer & De Boer Advocaten. Auch sjpeelde hae in dat jaor de rol van 'ne mafiabaas in de politieserie Flikken Maastricht.

Van den Heuvel is in 1984 in Limburg geridderd mèt de Orde van de Gulden Humor.

Van den Heuvel wónde in Amsterdam en waas getrouwd mèt actrice Kitty Janssen, die in 2012 sjtorf. Op 9 februari 2016 is hae gesjtorve op achentachtigjaorige laeftied.[1]

Externe links[bewirk | brón bewèrke]

Bron[bewirk | brón bewèrke]

  • Euvergezat oet Wikipedia nl:
  1. http://nos.nl/artikel/2085811-acteur-andre-van-den-heuvel-88-overleden.html