Abbé Pierre

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.



Abbé Pierre ies de sjoelnaam veur Henri Grouès, gebore 5 augustus 1912 in Lyon (Frankriek) en gesjtorve 22 januari 2007. In 1930 weurt 'r pater bie kapucienerorde. In later jaore functioneert 'r es katholiek preester. In de twiède waereldoorlog ziet 'r in 't verzèt. Oet daen tied sjtamp ziene sjoelnaam. Es kaplaon in de sjtad Grenoble, hölp 'r de Juudde en luuj in 't verzèt ónderduke. Van 1945 tot 1951 ies 'r lid van 't Franse parlement. Ziene loan gebruuk'r dan um de sjlachoffersj van de woningnoad in Paries te helpe. In november 1984 weurt hie, op advies van häöm, ouch de levesmiedelebank opgeriech.

In Frankriek waor hae hièl populair, alhoewaal d'r in 1996 'n controverse rónd zien persoon óntsjtóng vanwege de sjteun dae hae gaof aan de marxistische filosoof Roger Garaudy, dae de Holocaust in twiefel trèk.

Abbé Pierre sjreef 'n aantal beuk, woa-ónder zien autobiografie Memoires d'un croyant (1997)


Emmaus-bewaeging[bewirk | brón bewèrke]

Nao de oorlog, in 1949 sjtiech Abbé Pierre 'n weuning veur jóngere in Paries mèt de naam Emmaüs, 't begin van de zoageneumde Emmaus-bewaeging. Miè dan 'n hauf ièw zèt 'r ziech in veur de luuj, die gein hoes of ónderdaak (miè) höbbe. Behalve de Emmaus-laefgemeinsjappe sjtiech 'r ouch nog ander opvanghoezer.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Abbé_Pierre&oldid=433876"