Zonnezeil

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Veurstèlling vaan 'n zonnezeil

'n Zonnezeil is 'n ruimtevaartuig zoonder aondrieving. 't Besteit oet 'n hiel liech en dun zeil (of mierdere zeile) vaan reflecterend materiaol, wat zonnewind vingk. De zonnewind zörg veur 'ne stroom vaan fotone, die gein massa höbbe, mer wel heil väöl energie. Door de botsing zal 'n deil vaan die energie weure umgezat in beweging. Dit versjijnsel weurt ouch straolingsdrök geneump. De umzètting zal oeteindelek 't ruimtevaartuig in beweging bringe. De energie die umgezat weurt in 'n krach op 't zeil is evels zier klein (in de orde vaan microNewtons de veerkante meter. In principe zouw 'n zonnezeil altied kinne blieve versnelle, zoelang de zon mer op 't zeil blijf sjijne.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Zonnezeil&oldid=404670"