Zangvereiniging Orphée
Van Wikipedia
Dit artikel is gesjreve in 't Houtems. 't Weurt gewaardeerd óm in dit artikel 't Houtems aan te hauwe of aan te gaeve welk anger dialek gebroek is.
Zangvereiniging Orphée is 'n gemengk koar in Houtem - Sint Gerlach. 't Koar is opgerich es Société d' Orphée, 'n mannekoar, op 26 december 1864. 't Lèsgeld bedroog toen 5 Belzje francs per jaor of 1/2 franc per maond (€ 0.20). Van 1878-1992 vónge d'r gein repetities plaats. Ouch in de Ièrsjte waereldaorlog en in de Twiède waereldaorlog waor d'r wiènig activiteit. In 1969 woort Orphée 'n gemengde zangvereiniging. De hudige dirigent, Piet Bours, haet saer 1977 de leiding. Hae ies de 15e directeur van 't koar.
[bewirk] Oetveuringe
Orphée geuf vanaaf 't begin concerte bie kèrmesse, processies, broelofte en mèt de vastelaovend. Zie bringk serenades en zingk eucharistievieringe, zoa-es: de nachmès, 'n dialekmès en diverse huweliksmèsse. Geuf eder jaor 'n kaersjkonzaer. In samewèrking mèt ander koare oet de regio vingk d'r 'ne koaredaag plaats (mèt zangoetveuringe). In 't veurjaor is 'dr 'n veurjaorskonzaer of 'n lunchkonzaer.
[bewirk] Repertoire
Orphée zingk zoawaal klassiek, religieus es profaan. Daonaeve sjtoon ouch gospel, opera, operette, musical, volksleedsjes en dialekleedsjes op häör repertoire. Zie haet 'n speciaal dialekmès mèt de vaste gezange in 't Valkebergs dialek (teks van Annemie Bemelmans-Steynebrugh oet 1993) op muziek van Frans Schubert en saer 1996 't Limburgs volksleed in 't dialek (teks van Els Diederen, veersjtummige bewèrking door Piet Bours).
