Zaltbommel

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Ligking vaan Zaltbommel in Gelderland

Zaltbommel (Zuid-Gelders Bómmel) is e stedsje en 'n gemeinte in de Nederlandse provincie Gelderland, in de Bommelerweerd, mèt 'n oppervlak vaan 89,06 km2 (daovaan 9,12 km2 water) en (per 1 januari 2007) 16.204 inwoeners. Neve de hoofplaots ligke binne de gemeintegrenze de dörper Aalst, Bern, Brakel, Bruchem, Delwijnen, Gameren, Kerkwijk, Nederhemert-Noord, Nederhemert-Zuid, Nieuwaal, Poederoijen en Zuilichem.

Stadsgeziech[bewirk | brontekst bewerken]

Martinuskèrk

Zaltbommel heet e good bewaord stadscentrum, mèt aon drei kante umwalling (vaandaog d'n daag beplant es prómmenaad, mèt stadspaorte wie de Waterpaort) en e sjoen Waalfrónt. 't Groetste gebouw is de gotische Martinuskèrk mèt stómpen torie (veertiende en vieftiende iew, toriespits in 1696 aofgebrand) en e klokkepspeul vaan de breurs Hemony. 't Stadhoes stamp oet 1761. Daotegeneuver steit de Waog oet 1796. 't Maarten van Rossumhuis is e locaol museum. 'n Modern bezeensweerdegheid is de Martinus Nijhoffbrögk (1996). Binne de gemeintegrenze, bij Poederoijen, ligk 't Sloot Loevestein.

Historie[bewirk | brontekst bewerken]

Zaltbommel weurt veur 't iers geneump in 'n oerkónde oet 850, es Bomela. Roond 't jaor doezend deeg de keizer de plaots euver aon de bisjop vaan Utrei, meh daonao kaom 't aon Gelder. In 1315 kraog 't vaan de graof stadsrechte nao Zutfens model. 't Maakde ouch deil oet vaan de Hanze. In 1572 veroverde de Watergeuze de stad, die sinsdeen in Staotse han bleef, oondaanks 'n belegering door de Spaanjerds in 1599. In de zeventiende iew naom de beteikenis vaan Zaltbommel aof te geunste vaan De Bos. De kóms vaan de spoorweeg haolde 't oet zien isolemint.

Gebore in Zaltbommel[bewirk | brontekst bewerken]

Externe link[bewirk | brontekst bewerken]

Provincie Gelderland

Aalten | Apeldoorn | Arnhem | Barneveld | Berkelland | Beuningen | Bronckhorst | Brummen | Buren | Culemborg | Doesburg | Doetinchem | Druten | Duiven | Ede | Elburg | Epe | Ermelo | Geldermalsen | Groesbeek | Harderwijk | Hattem | Heerde | Heume | Lingewaal | Lingewaard | Lochem | Maasdriel | Millinge | Montferland | Neder-Betuwe | Neerijnen | Nijkerk | Nimwaege | Nunspeet | Oldebroek | Oost Gelre | Oude IJsselstreek | Overbetuwe | Putten | Renkum | Rheden | Rijnwaarden | Rozendaal | Scherpenzeel | Tiel | Ubbergen | Voorst | Wageningen | West Maas en Waal | Westervoort | Wijchen | Winterswijk | Zaltbommel | Zevenaar | Zutphen

Opgeheve gemeintes

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Zaltbommel&oldid=346739"