Wikipedia:Riechliene veur spèlling

Bie 't sjrieve in dees encyclope weurt de, in 2000 door de provincie Limburg aangenómme, Veldeke-sjpelling gehanteerd. Daoneve zint de meiste tekste op systeempagina's (veurluipig) in 't Algemein Gesjrieve Limburgs gesjtèld. Um weurd op te zeuke kènt me gebruuk make van hunne online Algemein Gesjreve Limburgse Diksjonaer. (Veur mieër informasie euver 't AGL surf gör nao limburghuis.nl, woa Paul Prikke en zien vrunj uch oetligke waoróm veer ein sjtandaard-Limburgs zouwe mótte höbbe en wie ze zich det den gedach haje.)

De Sjpelling van de Limburgse plaatsname vings doe op Plaatsname.

't Is zoewaal bie 't AGL as bie Veldeke neet gebroekelik ut, un en unne(n) te sjrieve. Dat weurt ummer 't, 'n en 'ne(n).

Kiek good oet veur 't versjil tösse e en è ( è neig mie nao i, e liekent op a). Hel beteikent neet zach, hèl is óngerwaereld. Haaj ouch 't versjil tösse ö en u in de gate: de ö weurt mie achter in de moond oetgesproke en kump in 't Hollands neet veur, de u klink aevel precies wie op zien Hollands.

Liènweurd oet 't Nederlands, Frans, Duutsj en Ingelsj were gesjpeld es wie in hun eige taal of zoa-es in 't Nederlands Greun beukske.

Wikipedia-artikele[brón bewèrke]

D'r is ein officieel Limburgse sjpelling die door de Provincie Limburg vasgesjteld is. Veur mieër informatie euver dees sjpelling kent gör terech op de website limburgse dialecten. Op dees site kens se zeen det 't neet ein dialek geuf, mer det d'r binne 't Limburgs ein groeët aantal dialecte besjteit. Det mótte veur ouch in sjtandj haje, liek mich. Toch is d'r 'n sjpelling waobie veur alle dialekte ein aantal aafsjpraoke gelt: de Veldeke-sjpelling. Det maak 't allemaol get gemekkeliker te laeze veur ederein... Mer dat hèlt dich houpelik neet taege óm in 't plat te sjrieve, baeter fout gesjreve dan niks gesjreve...

De Limburgse taal haet väöl plaatselike variante. Toch kin se de Veldekesjpelling algemein gebroeke. 't Leuke is det se soms aan de sjriefwies kins zeen woeë det emes vanaaf kumtj.