Wellekete

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Liegking va Welkenraedt in de provincie Luuk
sjtatie Welkenraedt op de lijn Luuk-Aoke

Wellekete (Ripuarisch Wälekete, Fraans Welkenraeth, Duutsj Welkenrath, Welsj Welkenrote Nederlands Welkenraad) is 'n gemèngde in de provincie Luuk in Wallonië op 't Belsj. De gemèngde is 'n handelscentrum, organiseert jaorlèks d'r carnaval. In 't centrum, in 't buurtsjap Lançaumont (Plat: op Lansberg) sjteunt nog ènnige aow zaandsjtènge hoezer mèt ömliestinge va blowwe sjtèè. Buurgemèngdes zeunt: Blieberig (noorde); Lontzen (ooste); Baelen, Dison en Limburg (zuide) en Thimister-Clermont (weste).

Demografie[bewirk | brontekst bewerken]

In 2005 tèlde de gemèngde 9164 inwoners op 'n oppervlakte van 2446 ha.

Historie en taalsjtatuut[bewirk | brontekst bewerken]

Wellekete makde dèèl oet van 't Hertogdom Limburg. Ow luuj kalle nog Plat en numme 't Platduutsj. 't Is taalkundig bezieë 'n övvergaanksdialect tössje 't Limburgs en 't Ripuarisch. De 50ers versjteunt 't nog mae kalle 't bekaans neet mie, zjuus wie 't Duutsj. De jóng luuj zeunt Fraanstalig en make kènnis mèt vraem tale óp g'n sjoeël. De gemèngde haat 't ègeste taalsjtatuut wie Plombières.


De volgende sectie van dit artikel is gesjreve in 't Sjeter.

Os Moddersjprook (vuur vergelieking tössje häökskes 't Doondesj Plat (Doenrade)- gemeente Sjènne (Schinnen), zoeën 30 kilometer vah Welkenraedt)

Wat men zech neet let gevalle, (wat me zich neet leet gevalle)

Es, went men os verbet te kalle (es, went me os verbaejt te kalle)

De sjprook, die os Modder os geliët, (de sjpraok, die os moder os gelieërd [haet])

En jekerenge hoeëg veriët. (en jieëkeree hoeëg verieërd)

De Moddersjprook es, vöar miensjelaeve, (de moderspraok is, vuur miensjelaeve [lang])

Onde, deep i gen hat gesjreve; (ónger, deep ì gen hart gesjrieëve)

En waet men ooch honderd joren oot, (en wirt me ooch honderd jaor oud)

Da verget me noch neet Oddesj woat. (dà vergèt me noch neet ouwesj woeërd)

Wie vruë woor der soldoot a gen front. (wie vruide zich de soldaot aan 't front)

Went en doo ene Plattütsche vond. (went 'r dao ènne Platduutsje vóng)

Wi hoof zech i gen brost et hat (Wie verhoof zich ì gen/de borst 't hart)

Went ze do kalden op hizeger plat! (Went ze dao kalde op hizeger(?) plat!)

Et gel el ooch dom, egebeelde luuj, ('T goof aevewaal ooch dom, ìgebeelde luuj)

Dat zönt van die nömodesje va huuj, (Dat zint vah die nuujerwètse vah huuj/vandaag)

Die koom en vremde sjprook versjtönt (Die koom 'n vraem sjpraok versjtaon)

En domit an 't behaaj make zönt. (en daomit aan 't behej make zint)


(Welkender Plat - Leo Teller)

Aander kerne[bewirk | brontekst bewerken]

Bekiekenswaeërd[bewirk | brontekst bewerken]

 
Provincie Luuk
Vlag van de provincie Luik

Amay | Amel | Ans | Anthisnes | Aobel | Awans | Aywaille | Baelen | Bassenge | Berloz | Beyne-Heusay | Blegny | Braives | Büllingen | Burdinne | Burg-Reuland | Bütgenbach | Chaudfontaine | Clavier | Comblain-au-Pont | Crisnée | Dalhem | Dison | Donceel | Engis | Esneux | Eupe | Faimes | Ferrières | Fexhe-le-Haut-Clocher | Flémalle | Fléron | Geer | Grâce-Hollogne | Hamoir | Hannut | Héron | Herstal | Herf | Hoei | Jalhay | Juprelle | Kelmis | Luuk | Lierneux | Limburg | Lincent | Lontzen | Malmedy | Marchin | Modave | Nandrin | Neupré | Olne | Oerle (Oreye) | Ouffet | Oupeye | Pepinster | Blieberig | Raeren | Remicourt | Saint-Georges-sur-Meuse | Saint-Nicolas | Sankt-Vith | Seraing | Soumagne | Spa | Sprimont | Stavelot | Stoumont | Theux | Thimister-Clermont | Tinlot | Trois-Ponts | Trooz | Verlaine | Verviers | Villers-le-Bouillet | Visé (Wezet) | Waimes | Wanze | Wasseiges | Welkenraedt | Wèrm (Waremme/Borgworm)

Commons
Op de pazjena category:Welkenraedt van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Wellekete&oldid=350564"