Wegesjeet

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Esculaap4.svg     Num 't veurbehawd bie medische informatie in ach.
Gank bie gezondheidsklachte nao 'ne hoesdokter.
'ne Wegesjeet

'ne Wegesjeet, in Limburg sóms ouch waal waegesjeet of war geneump, (Latien: hordeolum externum, Nederlands: strontje, stijg of, in bepaolde Nederlandse dialekte, 'ne paddenpisser) is 'n óntsjtaeking van de oaglidrandj door 'n infectie van 'n talgklierke (klier van Zeis) of 'n zjweitklierke (klier van Moll) biej 't haorzekske van ein wimper. Eine hordeolum externum wirt meistal veroarzaak door 'n bacterie oet de femilie van de stafylokokke.

Eine wegesjeet is zichbaar es 'n klein pienlik road knubbelke op de randj van 't baove- of óngeroaglid, sóms mèt 'n gael köpke. Op 'n gegaeve mement barsj 't aope, wonao zich wat pus óntlas en de óntsjtaeking meistal sjpontaan verdwient. Behanjeling is nauweliks neuëdig, hoewaal dèks wat antibiotische zauf wirt gegaeve. Me kènt prebere de rieping van 't abces wat te besjpoedige door werm nate compresse.

Ein 'hordeolum externum' mót waere óngersjeije van 'n hordeolum internum en 'n chalazion.

Etymologie[bewirk | brontekst bewerken]

Waege, wege sjteit veur sjmart, wee (pien doon), sjeet sjteit veur knippere mèt de ouge. War is aafgeleid van ’t awt-Duutsje Werre of Warre dat sjteit veur gaerstekaore (gerstekorrel).

Zuug ouch[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Wegesjeet&oldid=341859"