Waterval (Ulesjtraote)

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Meersjes, es te dit dialek sjpriks.

De Wiengaardsberghaof, 'n carréboerderie en wiengood bove Waterval

Waterval ies 'n buurtsjap van Ulesjtraote in de gemeinte Meersje in de Nederlandse provincie Limburg. 't Liek ten zuudoaste van Ulesjtraote en ten noorde van Raor, aan de voot van de Wiengaardsberg, woa-op de gelieknamige boerderie de Wiengaardsberghaof mèt ó.m. wiengaard liek. De naam "Waterval" beteikent in diet geval: 'n dal dat van alle kent ies oetgehold door 't vallend water. De buurtsjap besjteit oet ein sjtraot; d'r liegke 27 häöf en hoezer, woavan 'n paar in vakwerk. D'r wone óngevaer 60 luuj.

Waterval liek in de bösj, dae e door Sjtaatsbosbeheer besjermp natuurgebeed ies. In de bösj liek 'n geologisch monument, namelijk de typelocatie Zand van Waterval. Ouch sjtruimp hie de Watervalderbeek, 'n ziebeek van de Geul die óntsjprink in de Vliekerbösj. In 1984 haet me in Waterval 'n aantal vuursjteine materiale en gereidsjappe oet de sjteintied gevónge.

Eder jaor weurt 't Watervalder Weiefiès gehouwte.

 
Gemeinte Meersje
Vaan van Meersje
Dörper: Meersje · Bung · Gäöl · Gäöl-aan-de-Maas · Mwórveld · Raotem · Ulesjtraote
Buurtsjappe en gehuchte: Brómmele · Brookhaove · Genzon · 't Grwat-Brook · Grwat Bergem · Humkove · De Husjeberg · Kaze · 't Klei-Brook · Klein Bergem · Meersje-Wes · Raor · Sjietekove · Sniedersberg · 't Sjtómmeveldsje · Vliek · 't Voelwames · Waert · Waterval