Waterpater

Van Wikipedia

Dit artikel is gesjreve (of begós) in 't Rogkels. Laes hie wie v'r mit de versjillende saorte Limburgs ómgaon.


'ne Waterpater is e plat woord väör 'n zelfgeknutseldje waterpiep mit es belangriekste ingrediënt e plestik fleske. Op internet staon väöl handjleijinge äöver wiedes se zoget duis make, mer einen echte kin det blindj.

Hoea besteit zón dingk oet?[bewirk | brón bewèrke]

  1. Plestik fleske zonger dupke
  2. Metale dupke
  3. Plestik pen
  4. Ducttape

Oorsprong[bewirk | brón bewèrke]

Miense make al tieje lang waterpiepkes van plestik fleskes, in gans Limburg, mer d'n oorspróngk van 't woord "waterpater" sjient truuk te gaon nao 't kerkdörpke Roggel. Hie is 't woord vanaaf 2002 al in gebroek door mierdere miense, en 't haet zich zoea langzaam verspridj äöver Leudal en de regio Remunj.

't Woord "waterpater" kins se opdeile in twieë weurd:

  1. Water
  2. Pater

Water det is zeer dujelik; det kumdj doordet d'r e waterreservoir in 't fleske zitj.

'ne Pater is 't Midde-Limburgse woord väör "joint".

Oorspróngkelik is 't dus de bedoeling óm allein paters (joints) te rouke mit 'ne waterpater, mer taegeweurdig gebroeke de meiste miense 't woord waterpater ouch es se rouks mit tabak.

Wirking[bewirk | brón bewèrke]

Hie is e dudelik veurbeeldj van wie zón dingk oetzuut.

'ne Waterpater besteit oet princiepe oet veer deile:

  • E klein metale dupke/bekske: hie duis se diene tabak of zjwea in;
  • 't Waterreservoir: gevuldj mit 'n vloeistof (meistal water, mer kin ouch get alcohol in väör e dubbel effek);
  • Stök tusse baovekantj fles en reservoir: hie is e stök loch zodet d'r get heller aankumdj;
  • Laeg pennedupke: de verbinjing tusse 't metale dupke en 't reservoir.

Was se in princiepe duis is, doe duujs get roukbaars in 't metale dupke en haojs dao 'nen aanstaeker bie terwiels se zuugs aan de baovekantj vanne fles.

Gezóndjheidsricio's[bewirk | brón bewèrke]

'ne Waterpater en sigarette is eine pot naat.

De gezóndjheidsricio's zeen 'tzelfdje. Dök weurdj gemindj det waterpaters rouke gezónjer is den sigarette rouke, mer det is dus neet waor.[1]

Meugelikheje[bewirk | brón bewèrke]

Was se ouch dök zuus is det miense tabak bie de pen duje in plaats van eine "pater" (joint). Dit is goodkouper en kumdj neet zo hel aan es zjwae.

Hie zuus se 'nen oorspróngkelike waterpater

Effekte[bewirk | brón bewèrke]

'ne Waterpater kin op twieë manere oetwirking höbbe:

High
Hiedoor kriegs se e blie geveul. Doe weurs hieal vrolik, kins amper stilzitte of bös juus hieal röstig. Pubers kinne opgewónje rake. Dit zeen inkel väörbeeldje, neet ederein dae high weurdj haet dees effekte.
Stoned (gebakke)
Hiedoor kriegs se e langzaam en duf geveul. Lejemate veule zwaor aan (zwaor wie 'ne stein, in 't Ingels is det "stone" vandao "stoned"). Dien spiere gaon zich óntspanne en in apaarte gevalle kinse hallucinaties höbbe.

D'r zeen ouch nog 'n aantal anger effecte, ónger angere:

  • Druage móndj (dors)
  • Roaj uigskes
  • Meujte mit bewaege
  • Honger (vraetkick, "effe pizzake bikke")
  • Lachkik
  • Paranojja

Alternatieve benaminge väör waterpaters[bewirk | brón bewèrke]

D'r zeen ouch nog get anger benamingen väör waterpaters:

  • Zjwaestek (zjwae = wiet stek = stok, wietstok dus)
  • Sjaemele Waterpiep
  • Ermoodbuus
  • Zjwaefles

Rifferensies[bewirk | brón bewèrke]

  1. Gezondheid.be
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Waterpater&oldid=388521"