Waalse Piel

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


De Waalse Piel (La Flèche Wallonne) ies 'n eindaagse fietsrenwedsjtried, die in april gehouwte weurt in Wallonië. De wedsjtried besjteit sins 1936 en weurt allewiel georganiseerd door de Société du Tour de France, die ouch de Tour de France organiseert.

De wedsjtried vörmde vreuger same mèt Luuk-Bastenake-Luuk 't Ardens fietsweekend (dees koerse woorte in ein weekend gereje). Huuj weurt de Waalse Piel gehouwte op de goonsdeg tösje de Amstel Gold Race en Luuk-Bastenake-Luuk in.

De Waalse Piel woort opgeriech es reclaamevenement veur de gezèt Les Sports. In de ièrsjte jaore góng de koers van Doornik nao Luuk, euver miè es 300 km in 1938. Door de jaore heen haet de koers versjillende routes en sjtart- en finishplaatse gehad. De sjtartplaats ies sins innige jaore Charleroi. Saer 1983 liek de finish van de Waalse Piel in Hoei, op de Moer van Hoei, 'n sjtiel beklumming van 1,3 kilomaeter lengde. De Moer weurt in totaal drie kièr beklómme. Sins 1990 ies de aafsjtand van de wedsjtried neet groater es 210 km gewaes.

De Waalse Piel waor tot 2008 'n ónderdeil van de UCI ProTour, dae in 2005 ingeveurd ies. In 2009 woort de Waalse Piel opgenómme in de UCI World Ranking.

Saer 1998 ies d'r ouch 'n editie van de Waalse Piel veur vrouwluuj.

Euverziech winnaersj (mansluuj)[bewirk | brontekst bewerken]

Overziech winnaresse (vrouwluuj)[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Waalse_Piel&oldid=341338"