W-Dreej

Van Wikipedia
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Venloos, es te dit dialek sjpriks.

W-Dreej ies 'n zangtrio oet Venlo, besjtaonde oet Quinn Warmerdam, Christel van Rijn en Hay Wilders. Zie zinge carnavalsleedsjes in 't Venloos. De meiste leedsjes van W-Dreej were gesjreve door Warmerdam. In 2010 en 2011 höbbe ze 't LVK gewónne.

Historie[bewirk | brón bewèrke]

W-Dreej besjteit saer 2002. Toen voogde Christel van Rijn, daoveur lid van de Kammeräödjes, ziech bie Warmerdam en Wilders, die al sins 1992 'n carnavalsduo waore. In 2003 haolde dees formatie de veerde plaats in 't Limburgs Vastelaovesleedjes Konkoer (LVK) mèt 't leedsje Höf de glazer in de loch. Later dat jaor woort de naam W-Dreej bedach en kaom de cd Höf de glazer mit W-Dreej oet. In 2004 vörmde Christel van Rijn 'n gelegeheidsduo mèt Bart Houtermans; ze zónge same Ein jaor, dat twiède woort op de Opus Jocus Leedjesaovend en in de finale kaom van 't LVK. 't Nummer sjteit ouch op 't repertoire van W-Dreej en op hun album Dreije! (2007).

W-Dreej haolde in 2006 en 2007 weer de LVK-finale, mèt As 't aovend is en Witse wie?. In 2009 woorte ze driede op 't LVK, mèt 't nummer Weej halde van alles. In 2010 wónne zie 't LVK mèt 't leedsje Vandaag. In 2011 wónne ze 't LVK veur de twiède kièr, mèt 't leedsje Kôm 's kiéke beej ôs. In '2012 wónne ze 't LVK veur de driede kièr op riej mit Doot 's Gek.

Zie woorte drie kièr oetgerope tot de "Koelkraker" van de Boètegewoeëne Boètezitting. W-Dreej sjtóng ouch versjillende kière in de finale van de Jocus Leedjesaovend.

Discografie[bewirk | brón bewèrke]

  • Höf de glazer mit W-Dreej (Marlstone, 2003)
  • Ônderwaeg (Marlstone, 2006)
  • Dreije! (2007)
  • Vandaag! (2010)
  • Kôm 's kieke beej ôs (2011)

Extern links en brónne[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=W-Dreej&oldid=341946"