Vin

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Veur 't gehuch bie Hinsberg, zuuch: Vin (Hinsberg).

3-rögkvin, 4-vètvin, 6-stertvin, 7-anaalvin, 9-boekvin, 10 - bórsvin.

Vinne zeen de óngersjeiendjste kènmirke van 'ne vis en bestaon oet klein knäökskes die vanoet 't lief oetstaeken en mit hoed bedèk zeen. Dees hoed hèltj ouch de knäökskes same, wie e wèb bieje meiste visse, of wie 'ne flipper, wie biejen hej. Mit oetzunjering vanne stertvin, höbbe de vinne gein direkte verbinjing mitte rögkegraot en waere ze allein óngersteundj door spere. De veurnaamste functie van vinnen is veur te zörge det de visse kónne zwumme. Vinne die op versjillige plaatsen ane vis zitte, höbben ouch anger functies, wie veuroetbewaege, drejje, 'n rechte positie hajen of stoppe. De meiste visse gebroeke vinne wen ze zwumme; vlegendje visse gebroeke bórsvinne veur te gliejen en veulsprietvisse (Antennariidae) gebroeke die veur te kroepe. Vinne kinnen ouch gebroek waere veur anger doelènj: menkeshejjen en muskietviskes (Gambusia affinis) gebroeken 'nen aangepasdje vin veur sperma in te bringe; vóshejje gebroeken häöre stertvin veur proeaj aaf te leie; steinvissen höbbe knäökskes in häör rögkvinne die vergif kónnen injectere; vinermige gebroeke d'n ieëste knaok van häöre rögkvin wie 'ne vishengel veur proeaj te lokke; trèkkervisse vermeie proeajdere door in spleten in 't koraal te gaon zitten enne knäökskes in häör vinne te gebroeken óm zichzelf dao oppe plaats vas te haje.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vin&oldid=450669"