Verdraag va Èèsde

Van Wikipedia
Gank nao: navigatie, zeuke
Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Èèsjdes, as te dit dialek sjpriks.

't Verdraag va Èèsde, dèk 't Verdraag va Maeërsje geneumd, zów getekend zieë in e karolingisch good oeë noe Kesjtieël Vaeshartelt liekt tössje Maeërsje en Mestreech, en dateert uit 870. 't Karolingisch Midderiek, dat an Lotharius I, zoon van d'r in 840 gesjtórve Lodewijk d'r Vrome waor gevalle, waoërt mèt dit Verdraag verdeeld tösje 't West-Frankisch en 't Oost-Frankisch Riek.

De aanleiding waor d'r doeed in 869 van d'r keenderloze Lotharius II. Zieng noonke (breursj va Lotharius I), Karel d'r Kale en Lodewijk d'r Duutsjer, respectievelijk de köninge van West- en Oost-Francië, verdeelde de naolatensjap va Lotharius II. In Lotharinge waoert de grens tösje 't Fraanse en Duutsje köninkriek gevörmd dör d'r loop van de revere de Maas, de Ourthe en de Moezel. Italië en Bourgondië waert aagesjlaoëte bie 't Duutsje Riek.

Èesde, plaatsj va oondertekening[bewirk | brontekst bewerken]

Oet gondig oonderzeuk in de Annales Bertiniani is geblaeëke dat 't Verdraag haoverwaegs Maeërsje en Herstal in locoaspide super fliviu, Mosam getekend zów zieë. De groondvörm van d'r naam Èèsde is Aspide. Schrijnemakers brèngt d'r naam Aspide in verbaand mèt hasp, krómming, haok, buiging (n.l. van de Maas). Allewiel wert d'r neet mie aan getwijfeld dat dit verdraag in Èèsde is gesjlaoëte, temieë ömdat in 878 dör de zoons van de betrókkene dit verdraag waoërt bekrachtigd in Villa Fura gelaege tösje Maer, Norbik en Voere[1].

Verdraag va Verdun 843 / Èèsde 870

't Verdraag va Maeërsje maog neet verward werre mèt 't Verdraag va Verdun va augustus 843. Doe waoërt 't Karolingisch Riek namelek verdeeld oonder de driej zone va Lodewijk d'r Vrome. Lotharius I waoërt, naeve d'r keizerstitel en Italië, 't Midderiek toegewaeze. Dit waor e dör zieng vörm laestig te regere laand. 't Besjtóng oet Friesland van Zwin bies Wezer en d'r sjtrook begrensd dör Sjelde, Maas en Rien. 't Waor över de gaanse lengde min of mieë aeve breed en riekde bies an de Middellandse Zieë.

Referentie[bewirk | brontekst bewerken]

  1. De Reconstructie van een Middeleeuws landschap, J.L.H. Hartmann 1986, pag 141-142 ISBN 90-232-2254-7
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Verdraag_va_Èèsde&oldid=341049"