Werment

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Werments, as te dit dialek sjpriks.

---

Terpkèrkske en Sjippershoes

Uermend (dèk ouch es Uerment of Werment (volges Veldeke) gesjreve), Nederlands: Urmond) is 'n dörp in de gemeinte Stein in Nederlands Limburg. De plaats is gelege aan 't baekske de Ur, 'n ziebaek van de Maas, en langs 't Julianakanaal. Vlakbie lik de Belzje grens. In 't dörp woonde in 2002 4000 luuj. Tot 1982 waor 't ein zelfsjtendige gemeinte. Munte in de naam zou truukgoon op vlöchheuvel. Uermend is verdeild in Oud-Uermend en Uermend-oos dat ouch waal Nuuj-Uermend geneump weurt.

Taal

Dialekteks op 'n moer in 't dörp

Opvallend in 't dialek van Uermend (en ander dörper wie Sjtein en Berg aan de Maas) is de rollende r.

Historie

Ouwer name zint: Eurmond, Ouermonte en Overmunte (12e ièw).

In 't verleje sjient 't 'ne belangrieke Maashave te zin gewaes.

Bezeenswaerdig

Sjippershoes oet 1617 in Maaslandse renaissance en Maaslandse barok

• Besjermp dörpsgezich Oud-Uermend
• 't Terpkèrkske ofwaal de ouw Sint Maartens-kèrk, geboewd in 1793 op de plaats van 'n ouwer geboew. In 1995 ies 't get hoager gelege einbeukig geboew, nao 'n restauratie, aan de ièredeens ónttrokke en in gebruuk genómme es tentoansjtèllingsruumde ónder de naam 't Terpkèrkske.
• In 1955 ies de nuuj Sint Maartenskèrk geboewd nao óntwerp van architect Peutz. De heilige Leonardus weurt hie verièrd.
• Kèrk van de Heilige Antonius van Padua
• Sjippersjhoes oet 1617, Maaslandse renaissance en Maaslandse barok.
• Ouw häöf en hoezer, geboewd in baksjtein. 'n Paar mèt sjpeklaoge
• Houte sjtanderdwindmeule, geboewd in 1805.
• Juudse begraafplaats
• 3 Waterpómpe in de hoofsjtraot

Evenemente

• Sint Leendert (Leonardus)- mert in 'n weekend in juni.
• Urpop