Thessaloniki (stad)
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Thessaloniki (Nuigrieks: Θεσσαλονίκη) is 'n stad in Griekeland en de hoofplaots vaan Thessaloniki (departemint) en de periferie (regio) Middel-Macedonië. De stad heet op ziechzelf volges de census vaan 2001 383.967 inwoeners. Evels heet 't volges 'n sjatting vaan 2007 nog mer 348.920 inwoeners. De agglomeratie heet oongeveer 800.000 inwoeners. Op Athene nao is 't de groetste stad vaan Griekeland. Dèks weurt Thessaloniki ouch Saloniki, Salonika of Salonica geneump.
[bewirk] Klimaot
De stad ligk in e mediterraon klimaot. Dit beteikent dus milde winters en werm zomers. In de zomer vèlt hei evels mie rege daan in de mieste Griekse plaotse.
| Maond | Jan | Fib | Mee | Apr | Mei | Jun | Jul | Aug | Sep | Okt | Nov | Dec |
| Hoegste temperatuur [°C] | 12 | 13 | 16 | 18 | 23 | 28 | 31 | 30 | 26 | 21 | 15 | 13 |
| Liegste temperatuur [°C] | 5 | 6 | 6 | 9 | 12 | 16 | 18 | 18 | 15 | 11 | 6 | 7 |
| Rege (mm) | 40 | 38 | 43 | 35 | 43 | 30 | 22 | 20 | 27 | 45 | 58 | 50 |
| Record wermte [°C] | 20 | 22 | 25 | 31 | 36 | 39 | 42 | 39 | 36 | 32 | 27 | 26 |
