Thea Derks

Van Wikipedia
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Venrods, es te dit dialek sjpriks.

Thea Derks (Aostrem,[1] 1953[2]) is 'n Nederlandse musicologe.

Leve[bewirk | brón bewèrke]

Nao de MMS in Venroj[1] góng ze achterein studere in Groninge (Ingels) en Amsterdam (meziekwetensjap),[3] welke lèste studie ze in 1996 cum laude aofsloot.[4]

Häör scriptie góng euver musicerende vrouwlui. Veural componerende vrouwlui woort door de jaore heer 'n belaankrieke specialisatie vaan häör. Daoneve spitsde ze ziech ouch touw op d'n avant-gardemeziek vaan nao 1945. Veur 't Amsterdams Concertgebouw gaof ze dao laankdoreg cursusse euver.[5] In 2014 versjeen häör book Reinbert de Leeuw - Mens of Melodie. In dees biografie besjreef ze aon de haand vaan De Leeuw zie leve e groet deil vaan 't Nederlands meziekleve sinds de jaore zèsteg. Allewel tot De Leeuw de biografie neet wouw otorisere, kraog 't book gooj kritieke. Veur de promotie vaan 't werk gaof ze versjèllende lezinge; wijer kraog 't book e vervolg in e speciaol radioprogram op de Concertzender.[6]

Publicaties[bewirk | brón bewèrke]

  • Sssst! Nieuwe muziek voor nieuwe ensembles. Amsterdam, International Theatre & Film Books, 1996 (mèt Elmer Schönberger e.a.).
  • Zigeunermuziek. Beknopte geschiedenis van de zigeunermuziek, Rotterdam, Centrale Discotheek Rotterdam, 1999.
  • Nieuwe Klankwerelden, beknopte geschiedenis van de klassieke muziek van na 1900. Amsterdam, eige behier Concertgebouworkest, 2006.
  • Reinbert de Leeuw - mens of melodie, Amstelveen, Leporello, 2014.
  • Een os op het dak. Moderne muziek na 1900 in vogelvlucht, Amsterdam, @tdrks, 2018.

Rifferenties[bewirk | brón bewèrke]

  1. 1,0 1,1 Aostrum.nl - Oud-Oostrumse Thea Derks presenteert nieuw programma bij de Concertzender: PANORAMA DE LEEUW
  2. Zael.nl - Thea Derks over Reinbert de Leeuw
  3. Soundcloud.com - Thea Derks - Omroep Venray interviewt Thea Derks over 'Panorama De Leeuw' Thea Derks
  4. Muziek van Nu - Thea Derks
  5. Homepage Thea Derks - colofon
  6. Concertzender.nl - Nieuw op de Concertzender: Panorama de Leeuw

Extern links[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Thea_Derks&oldid=456724"