The Day After Tomorrow

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


The Day After Tomorrow is 'n Amerikaanse rampefilm oet 2004 ónger regie van Roland Emmerich. De film brach bienao 543 miljoen dollar op en 't waas daomit de op vief nao succesvolste film van 2004. The Day After Tomorrow geit euver de waereldwieje opwerming en de gevolge daovan.

De film góng in première op 17 mei 2004 in Mexico-stad.

Verhaol[bewirk | brontekst bewerken]

Waerdeskundige Jack Hall waorsjuuwt mit weinig succes veur de invloed die de opwerming van de aardbol zal höbbe op 't klimaat. Wienieë 't noordelik halfróndj van de planeet daodwèrkelik 't slachoffer wuuert van tornado's, euverstrouminge en extreem lege temperature, wuuert t'r eindelik serieus genómme. Terwiel 't zuje van Amerika snel wuuert geëvacueerd, wuuert de noorderlinge geadviseerd binne te blieve en op 't bèste te haope. 'ne Vlöchtelingestroum nao Mexico kump op gang.

Drie enorme snieëcyclone vorme zich en zorge det 't groeatste deil van 't noordelik halfróndj 'n flink pak snieë en extreem lege temperature te verwèrke krieg. Hall ziene zoean raak in Nuuj York ingeslaote es de storm 'ne enorme vloedgolf veroorzaak dae de stad veur 'n groeat deil ónger water zit. Door de extreem lege temperatuur verangert 't deil van Nuuj York det zich nag baove 't water bevindj vervolges in 'n iesvlakte. Hall besluut nao 't noorde aaf te reize óm ziene zoean te vinje, dae same mit inkel medestudente gestrandj is in 'ne bieb. 't Oug van de storm trek echter euver de stad, mit zoea'n leeg temperature det 'n miens in e paar second zów kinne bevreze.

Actäörs[bewirk | brontekst bewerken]

Actäör Personage
Dennis Quaid Jack Hall
Jake Gyllenhaal Sam Hall
Emmy Rossum Laura Chapman
Dash Mihok Jason Evans
Jay O. Sanders Frank Harris
Sela Ward Dr. Lucy Hall

Weitesjappelikke ónzjuushede[bewirk | brontekst bewerken]

In 't kaoder van de snelheid van 't verhaol höbbe de makers 'n aantal aspecte ingeveurd die neet meugelik of zelfs gans ónzjuus zeen:

  • De gigantische hagelstein in Tokio zeen doorzichtig. Echte hagelstein bestaon oet mieërder läögskes ies en zeen daodoor óndoorzichtig;
  • 't Klimaat kan neet binne 'ne tiedsdoer van e paar daag toet waeke zoea drastisch wiezige;
  • Cyclone en snieëcyclone óntstaon neet baove landj;
  • Me kan neet binne inkel second bevreze;
  • De wolve zówwe waorsjienlik ieërder vlöchte es aanvalle;
  • Daolendje lóch kan - al kump deze oet de top van de troposfeer - neet zoea extreem kaad zeen. De toenömmendje druk deit de temperatuur zjuus stiege.
  • Es 't hieël kaad wuuertj, bars glaas. Dit gebäörtj neet mit sommige roete in de film.

Bron[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=The_Day_After_Tomorrow&oldid=345963"