Telleur

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


'ne Telleur, telder of tejjer ies eetgerei, 'n platte sjief van geglazuurd aardewerk, porcelein of kunssjtof (sóms van hout of glaas) woa-op 't ete weurt geserveerd, dat me dan metein kèn opete. Telleure besjtoon in diverse maote. Ete van 'ne telleur weurt saer de Miedelièwe toegepas in Europa. Van te veure ote de luuj van sjieve broad, die telloor woorte geneump.

Kleiner vörme heisje telleurke, telderke en tejjerke. Um sop oet te ete gebruuk me 'ne depe telleur of 'ne soptelleur. Ónder tasse sjtoon sjeutelkes.

Telleure zin dèks ónderdeil van 'n gans servies. De vörm en eventueel decoratie volge de mode of sjtiel van d'n tied woa-in ze geproduceerd zin.

Bekènde aardewerkfabricante in Limburg zin: Sphinx en Mosa in Mestreech. Väöl porcelein weurt geimporteerd oet China.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Telleur&oldid=340428"