Târgu Mureş

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De mert van Târgu Mureş.

Târgu Mureş of Tîrgu Mureş (Hóngaars: Marosvásárhely of Vásárhely; Pruus: Neumarkt am Mieresch) is 'n Roemeense stad in 't distrik Mureş in Transsylvanië. Târgu Mureş beteikentj "(nederzètting) aan de Mureş". De Mureş is 'n belangrieke reveer die door de stad haer ströimp. De naom van de stad waerdje vreuger gespeldj es Tîrgu Mureş. De spellingsverangering haet daonaeve gein effek op de oetspraok en de aaj spelling wuuertj nag gebroek. De naom wuuertj aafgekórt toet Tg. Mureş, soms ouch toet Mureş (snelspraeke), meh den kan verwarring mit de reveer en 't distrik optraeje.

Demografie[bewirk | brontekst bewerken]

In 2002 had Târgu Mureş 150.041 inwoeaners. De Roemene vorme op basis van de vólkstelling van 2002 de mieërderheid in de stad, mit 'n kleine 51% van de totale bevólking.

  • Roemene – 75.533 (50,34%)
  • Hóngare – 70.110 (46,73%)
  • Roma – 3.660 (2,43%)
  • Pruse – 304 (0,20%)
  • Anger luuj – 434.

Bie de vólkstelling van 1992 ware de Hóngare nag in de mieërderheid. De oorspronkelik etnisch Hóngaarse stad kintj al vanaaf 1920 'ne groeate toestroum van Roemene. De industrialisatiepolitiek van Ceauşescu en 't vestigingsverbód veur Hóngare höbbe geliedj toet de hujige demografische opboew.

Gesjiedenis[bewirk | brontekst bewerken]

De stad is geboewdj in 1332, en had de naom Novum Forum Siculorum. Târgu Mureş haet toet Hóngarije, vórstedom Transsylvanië, Oeasteriek-Hóngarije behuuerdj toet 't jaor 1918. Den waerdje gans Transsylvanië aan Roemenië toegeweze. Sinsdeen begóste väöl Pruse en Hóngare eweg te gaon en kome d'r mieë Roemene bie, meh de Székely's (Transsylvaanse Hóngare) bleven. Noe zeen ze de groeatste minderheid in de stad en de regio.

Panorama[bewirk | brontekst bewerken]

Panorama van Târgu Mureş.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Târgu_Mureş&oldid=341304"