Sybrand van Haersma Buma

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Sybrand van Haersma Buma

Sybrand van Haersma Buma (Workum, 30 juli 1965) is 'ne Nederlandse politicus veur 't CDA.

Van Haersma Buma, lid vaan e Fries patriciërsgeslach, woort gebore in Workum, allewijl gemeinte Súdwest-Fryslân, provincie Friesland en zoon vaan Bernhard van Haersma Buma en kleinzoon vaan Sybrand van Haersma Buma sr., allebei ouch politici. Later verhuisde heer nao Voorburg, boe heer in 2002 veur zien partij in de raod vaan Leidschendam-Voorburg kaom. Kort tenao haolde heer 'ne zedeleer in de Twiede Kamer. Veur zien aonstèlling waor heer al beleidsmètwèrker justitie; noe woort dit ouch zien specialisatie es Kamerlid.

Vaanaof oktober 2010 gaof Van Haersma Buma leiing aon de CDA-fractie, es opvolger vaan Maxime Verhagen dee toen vice-premier in 't kabinèt-Rutte woort. Es fractieveurzitter mós heer noe persoenlek umgoon mèt de dissidente Koppejan en Ferrier, die tege dit kabinèt (m.n. de samewèrking mèt de PVV) waore. In miert en aprèl 2012 deeg 'r mèt aon 't 'Catshoeseuverlèk' euver de begroeting vaan 2013.

Wie 't kabinèt euver die kwestie veel, en veur spetember vaan dat jaor nui verkezinge woorte gepland, zat me in 't CDA 'n intern verkezing veur 't liestrèkkersjap op. Op 18 mei won heer dees verkezing vaan oonder mie Mona Keijzer, Henk Bleeker en Liesbeth Spies.

Commons
In de categorie Sybrand van Haersma Buma van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sybrand_van_Haersma_Buma&oldid=354911"