Snackbar

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Snackbar is van oorsjprong 'nen Amerikaansen term en is dus 'n lieënwaoërd. 't Is 'n nujjer benaming vör 'n frituur of 'n cafetaria, speciaal gebuuwkes oeë me gefrituurde aetesware kint kriege.

Sjnak[bewirk | brón bewèrke]

Snacks zeunt kling, vöraaf geprepareerde hapjes, zoewie 'n krokèt, 'n frikandel of vörgebakke friete, die alling nog in frituurvèt of -aoëlie gebakke motte waeëre en dus sjnel klaor zeunt vör consumptie. Snack is verwaant an 't aod-Limburgse waoërd sjnak, dat sjnel, direc of dalek betekent. In 't Nederlands en 't Limburgs kin v'r 't wèrkwaoërd snakken resp. sjnakke, dat begerig nao get verlange betekent. Get dat me dus gaer sjnak wilt ha.

Baar[bewirk | brón bewèrke]

Mit 't waoërd bar in snackbar verwiest me nao 'n teek of nao 'n geboew oeëin 'n bar sjteet. In 'n snackbar kint me an 'n bar, sjtaond, aeëtes, mae och dreekes, aafhaole, dat sjnak vaeërdig is en dat me d'r nao mot drage um 't sjtaond op te aeëte of te dreenke. Och kint me 't aeëte laote inpakke um 't vervolges te drage nao de plaatsj oeë dat me 't wilt gaoë op-aeëte.

Varia[bewirk | brón bewèrke]

Sjnak, in de betekenis va direc en baar, in de betekenis van aardewerke pot, sjteunt neet in d'r dictionair Nederlands-Limburgs De taal van de Maas va Paul Prikken. Waal 't waoërd baar in de betekenis van draagbaar en 't wèrkwaoërd sjnakke zeunt opgenaome.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Snackbar&oldid=396509"