Slevrouweplein (Mestreech)

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Slevrouweplein mèt terrase en Slevrouwekèrk.

't Slevrouweplein (Nederlands: Onze-Lieve-Vrouweplein) is e plein in 't centrum vaan Mestreech. 't Plein is bekind um zien terrasse, de Slevrouwekèrk en 't Derlon Hotel mèt zien Romeinse ruïnes in ziene kelder.

Historie[bewirk | brón bewèrke]

't Plein vörmp al sinds de Romeinse tied 't centrum vaan de stad. Roontelum 't plein zien väöl spore vaan Romeinse gebouwe gevonde. Allezeleve is de Slevrouwekèrk gebouwd op 'ne Romeinse tempel.

Slevrouweplein zjus veur de sloop vaan de Sinterklaoskèrk. Op de veurgrond is de Slevrouwekerk te zien.

Langen tied stoont dr nog un kèrk op dit plein; de Sinterklaoskèrk. Dees kèrk woort gestiech door Gerard vaan Jobeke, 'ne kanunnik. Roond 1340 sjink heer get hoezer aon 't plein um te slope en de kèrk drop te bouwe. De kèrk is veerdeg gekoume in 1342 en in 1343 in gebruuk genome es parochiekèrk vaan de Slevrouwekèrk (zjus wie de Sint Jaan 'n parochiekèrk vaan de Sint Servaoskèrk waor). Es de Sint Nicolaaskèrk nao ongebruuk tijdens de Fransen tied in verval raak, weurt de kèrk in 1837 gesloop en ontsteit zoe 't plein vaan allewijl.

Tösse 1961 en 1974 stoont aon 't Slevrouweplein e broedfebrik, de MaBro. 't Febriksgebouw is in 1980 gesloop.

't Plein kint gein symbolische traditie veur eveneminte zoe wie de Merret of de Vriethof en kin zoe mèt ziene horeca en knojzeg karakter gezeen weure es de 'keuke' vaan Mestreech.