Sjtraobaek (baek)

Van Wikipedia

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


De sjtraobaek sjtruimp hie aan de rand van de Ravesbösj

De Sjtraobaek ies 'n baek, die zien zien brónne haet in de Ravesbösj. Deze (gedeiltelike) hellingbösj bevingk ziech tösje 't gelieknamig gehuch Sjtraobaek en de buurtsjap Billich in Groat Haasdal. De baek löp ièrsj sjtroum aaf dweersj door de bösj en later langs de rand. In diet gebeed zint opgravinge gedoon van 'ne Romeinse tempel en diverse Romeinse villae. De waeg, parallel aan dae bosjrand, weurt Baeksjtraot geneump vanwege die baek aan de rand. In de bösj liegke twiè vieversj die gevoed were door de Sjtraobaek. Via de beemde van 't gehuch Sjtraobaek sjtruimp 't water de Geul in.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjtraobaek_(baek)&oldid=93796"