Sjpègelneuron

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


'n Sjpègelneuron of sjpègelcel is 'n neuron dat neet allèng vuurt es 'n deer 'n handeling oetveurt, mae ooch es 't deer 'n handeling ziet of huurt oetveure dör 'n aander deer (vöral van 't zelfde deersaoërt). De wèrking van 't neuron weersjpegelt in 't vure dus 't gedrag van 'n aander deer en is op dezelfde meneer actief es wen 't deer de handeling èges oetveurt. De sjpègelneurone zelf zeunt waargenaome bie primate mae neet bie luuj of väögel. Mae de wèrking d'r van is bie die lètste waal waargenaome mèt behulp van fMRI, TMS, EEG-scans. Bie luuj beveende ze zich in de premotore cortex en in de pariëtale kwabbe van de haeënes.

De aanwezighèèd van sjpegelneurone in de haeënes waoërt oontdèkt dör Giacomo Rizzolatti, Leonardo Fogassi en Vittorio Gallese van de universitèèt van Parma.

Sommige wetenschappers besjowwe sjpegelneurone es èng van de belangriekste oontdèkkinge in de recente historie van de neurowetensjap.

Functie[bewirk | brontekst bewerken]

Neonatale imitatie

't Oonderzeuk nao de wèrking en de functie van de sjpègelneuronsysteme is in volle gaank. Me nèmt aa dat ze 'n groeëte rol sjpäöle bie 't begriepe en interpretere van de acties van andere en 't lieëre va nuuj vaardighede dör imitatie. Ooch zowwe sjpègelsysteme 'n rol kènne sjpäöle bie 't inzicht in deenkpatroeëne bie aander (theory of mind)[1], emotioneel inlaevingsvermoge (empathie)[2] en de taalverwerving[3] (d'r zeunt ooch sjpegelneurone voonde in de nabiehèèd van 't gebied van Broca, 'n taalcentrum in d'r frontale kwab).

Meme[bewirk | brontekst bewerken]

De wèrking van 't sjpègelneuron haat invloed óp de meme.


't Disfunctionere van de sjpegelneurone zou autisme kinne verklaore.[4][5]

Referentie[bewirk | brontekst bewerken]

  1. Michael Arbib, The Mirror System Hypothesis. Linking Language to Theory of Mind, 2005
  2. Laurie Carr et al., Neural mechanisms of empathy in humans: A relay from neural systems for imitation to limbic areas, Proceedings of the National Academy of Sciences of theUnited States of America 100:9 (2003)
  3. Hugo Théoret, Alvaro Pascual-Leone, Language Acquisition: Do As You Hear, Current Biology, Vol. 15, No. 3, pp. 84-85, 2002-10-29
  4. Oberman LM, Hubbard EM, McCleery JP, Altschuler EL, Ramachandran VS, Pineda JA., EEG evidence for mirror neuron dysfunction in autism spectral disorders, Brain Res Cogn Brain Res.; 24(2):190-8, 2005-06
  5. Mirella Dapretto, Understanding emotions in others: mirror neuron dysfunction in children with autism spectrum disorders, Nature Neuroscience, Vol. 9, No. 1, pp. 28-30, 2006-01

Wieër laeze[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjpègelneuron&oldid=340653"