Sjop

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Sjop in 't gehuch De Maasbendj bie Stein

't Sjop ies 'n sumpel geboew, woa-in (boere) wèrkgetuug, gereidsjap, materiale, karre en machines weure opgesjlage en bewaard, besjöt tegen 't waer. In 't Nederlands zègke ze loods (of schuur). Hièl dèks ies 't sjop 'n aanboewsel tege eine gevel van 'n boerderie of sjuur. Sóms ies 't 'n lossjtaond optrèksel op 't land of in de wei.
De naam sjop ies verwant aan 't Ingelsje shop en 't Duutsje Schuppen, dat winkel of kraom beteikent. In vreuger tieje waore winkelsj ouch neet miè es 'n aafdaak es besjerming tege 't waer.

Trivia[bewirk | brontekst bewerken]

't Verkleinwoord van sjop ies sjöpke, neet te verwiesele mèt sjöpke es verkleinwoord van sjöp (Nederlands schop of spade).

De plaatsnaam Sjoppem in de gemeinte Voere zou aafsjtamme van sjop en heim.


Zuug ouch[bewirk | brontekst bewerken]

'n Sjuur ies miè 'n opsjlaag- of veurraodruumde.
'ne Sjtal, ouch dèks 'n eenvoudig boewsel, deent um dere ónderdaak te geve.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjop&oldid=339586"