Sjilddaak

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Sjilddaak (sjtanderd)
Kesjteël Ooijen, ’n good veerbeeld van 'n sjilddaak
Sjilddaak op de pasterie van Oostnieuwkerke

'n Sjilddaak of sjildkap is 'ne daakvörm toegepas bie hoeze en anger geboewe. Dit daak wirt gevörmp door tweë drieheukige sjilde of daakvlakke aan de korte kantj van 't geboew en tweë trapeziumvörmige sjilde aan de lange kantj van 't geboew.

't Sjilddaak woort veur 't eësj in de jaore 1930 op groate sjaol toegepas. 't Is eigelik 'n aangepas zadeldaak. Door aan de korte kantje sjilde aan te brènge óntsjtóng dees daakvörm. ’t Toepasse van rume daakeuversjtaeke kènne "nate" moere waere veurkómme.

De sjildkap is 'n veurbeeld van 'n "noordboamdaak". De noordboam is de plaatsj wo tweë daaksjilde mekaar rake aan de baovekantj. In Nederland wirt dat de nok geneump. Meistal höbbe de veer hiedoor óntsjtaone daakvlakke dezelfde hellingsgraod.

Rechheukige weuninge höbbe meistal sjmalere ziesjtökke en breijere veur- en achtersjilde. Hiejdoor verbaetert de drökverdeiling op de constructie.

'n Anger veurdeil is 't aerodynamisch design. Van alle daaktypes is de sjildkap same mèt 't tentdaak ’t bèste besjtand taenge wèndjsjtoate en wirt daoróm völvöldig in 't boetegebeed toegepas.

Nog 'n kènmerk is de róndjóm doorloupende daakgaot. 't Tradisjenele zadeldaak beujt op zölder meë ruumde, mèr door variaties in sjuunte kènt dit versjil beperk waere of vergroat waere.

Naeve 't sjilddaak besjtaon nog 't zadeldaak, 't wolfseindjedaak, 't lessenaerdaak, de sjtolpkap, 't platdaak en 't mansardedaak.

Brón[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sjilddaak&oldid=343968"