Sjef Hensgens
- Dit artikel is gesjreve in 't Gelaens. Ómdat 't plaatsgebónge is, maogs doe 't ómzètte nao 't Wieldersj, es te dit dialek sjpriks.
Sjef Hensgens (Wielder, 27 jannewarie 1948) is eine veurmalige Nederlandse middellange aafsjtandslouper.
Hae is drievoudig Nederlands kampioen op de 800 maeter, drie keer op rie in 1969, 1970 en 1971. Hae naom eine keër deil aan de Olympische Sjpele, in 1972 in Münche, wo hae sjtarde op ziene favoriete aafsjtand, de 800 maeter. Hae woort biej dae wedsjtried veerde in de achste serie in eine tied van 1.51.2 en was hiejmit veur wiejere deilname oetgesjakeld.
Hensgens waas lid van de atletiekvereiniging Achilles TOP oet Kirchrao. In juni 1971 leep hae in Papendal ein Nederlands record op de 800 maeter in 1.46.4, womit hae de awwe recordtied van 1.48.6 van Raymond van Asten oet 1962 oet de beuk leep. Zien record zouw sjtand hawwe pes augustus 1982 wiej 't woort verbaeterd door Rob Druppers in 1.44.2. In 2009 sjtóng Hensgens mèt deze tied nog ummer es tieënde genoteerd op de Nederlandse ranglies aller tieje van de 800 maeter.
Ouch op de langere aafsjtenj, mèt name de 5000 maeter kaom Hensgens good oet de veut.
Sjef Hensgens woort in 1978 beneump tot eërelid van zien vereiniging Achilles TOP en in 2006 óntving hae de brónze eëresjpeld van dees vereiniging.