Sjoppem

Van Wikipedia
(Doorverweze van Schoppem)
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Voeres, es te dit dialek sjpriks.

Steenboskapel bie Sjoppem

Sjoppem (Nederlands: Schoppem) ies 'n gehuch tösje 's-Gravenvoere en S'n Maeëte (Sint-Martens-Voere) in de gemeinte Voere in Belsj Limburg. De nederzètting ies gelege aan 't reveerke de Voor en besjteit oet gedeiltelik ouw häöf en hoezer. 't Achtervoogsel em in de naam geit truuk op heim en dat wies nao Miedelièwse, bewoning. 'n Sjop ies 'ne sumpel opsjlaagplaats, meistal 'n aafdaak op päöl tege 'n geboew, veur (boere)getuug en karre. Op Sjoppem kruus 'ne veldwaeg de Voor via 'n wad.

Bezeenswaerdig[bewirk | brón bewèrke]

De wiete kapel
  • In de buurt bevingk ziech miedde in 't veld op 'n sjplietsing de Sjteebusjkapel (mèt binne 'n kruus en crucifix). Geboewd van natuursjtein en reste van Romeinse boewmateriale. In 1850 woorte die ter plaatse nao bove gehaold es reste van 'ne Romeinse villa.
  • Op 'n krusing van 'ne holle waeg en 'ne veldwaeg tösje de appelgaarde en boewland sjteit de Wiette kapel ouch mèt kruus en crucifix. Bove-n d'n ingank bevinge ziech twiè hertsjes.
  • 't Landsjap in de umgeving tuènt zich mèt heuvele, dale en terasse, die eindige bove 'ne graaf (graft). In dees umgeving zouwe ziech ouch de meiste hol waeg van Wes-Europa bevinge. Dat geuf, ouch vanwege de kalkrieke grónd, 'n biezónder flora en fauna. Veural de das ies hie good vertegenwoodigd. Af en toe kump kalksjtein (mergel) bove de grónd. Dae neume ze hie: Gulpener kalk. Dat ies de gróndsjtof veur mès. Um te boewe ies'r neet vas genoeg.
  • de Sjoppemer Hèj en bösj en Katterot op de grens mèt Nederland en Norbik.
  • Kesjtièl Brook (Hollensj: Altenboek) bevingk ziech bie de Brokerbösj op Brook tösje Norbik en De Vitsje, sjtraot in Voere.
  • Ouw häöf en hoezer
  • Kesjtièl Oetegrove, vlak bie 't sjpoor. Róntelum liek 'n grach en op de Voor 'n aod watermasjieng (machine de Marly).

Bronvermelding[bewirk | brón bewèrke]

  • Del Vaux, H. 1851. La Découverte du Steenbosch et l'origine de sa chapelle à Fouron-le-Comte. Liège, Desoer
  • Nijssen, Jaak 1990 . Die Papiermacherei im Maastricht- Aachener Raum (ca. 1570-1640), insbesondere in Schoppem ('s- Gravenvoeren) in: IPH Yearbook 8, p. 096-116
  • Nyssen = Nijssen, J. = Jaak 1963 . Schoppem - Een oud stuk weg in: Heem, tweemaandelijks tijdschrift voor Overmaas - Overmaas Jaarboek - Halle (Brabant) Langohr-Veltmans-Vreuschemen Komitee Band 7 - bedoeld is de Bessemerweg - online in: http://users.skynet.be/fa393867/topony/sgv_Bess/bandh07_1a.html
 
Gemeinte Voere
Vaan van Voere
Deilgemeintes en dörper: De Plaank · Moelinge · S'n Maeëte · S'n Pieëter · Täöve · Rimmersjdel · Voere
Gehuchte en buurtsjappe: A g'n Eke · Baerg · Brook · De Daal · Dreenk · de Hèj · Katterot · Kètte · Knap · D'r Krindel · Kweente · Maazsjes · Magne Bois · Nurep · Obsinnich · Paerds · Pensool · Roeje Bösj · Rule · Sjilberg · Sjoppemer Hèj · Sjoppem · Ulvend · Vaoësj · Vaoërzjervaeld · Vitsje · Sinnich · Zjwaan
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sjoppem&oldid=437802"