Satellietflakkering

Van Wikipedia
Gank nao: navigatie, zeuke

Satellietflakkering is 't versjijnsel woebij de reflecterende oonderdeile vaan 'ne satelliet zonleech op de Eerd reflectere en daobij 'n flakkering vertoene. Miestal weurt d'n Ingelse term flare gebruuk.

Iridium-flare[bewirk | brontekst bewerken]

Satelliete vaan 't Iridium-communicatienetwerk höbbe 'ne vörm woebij 3 groete gepolieste antennes (zoe groet wie 'n deur) roontelum de satelliet zien gepositioneerd. Soms weurt de zon in dees antennes gereflecteerd riechting de Eerd boedoor verleechte punte oonstoon van zoe'n 10 km doorsnei. Dit zuut vaanaof de Eerd oet wie 'n zier helder flakkering die inkele seconde doort.

De helderheid vaan zoe'n Iridiumflakkering kin oploupe tot 'n magnitude -9. Dit beteikent dat ze soms zelfs euverdaag te zien zien. Veur astronome zien ze soms hiel lesteg umtot ze woernumminge kinne verstore en geveulige aparatuur kinne verinnewere.

Umtot de baone vaan de Iridiumsatelliete bekind zien kinne de flakkeringe perceis berekend weure.

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Satellietflakkering&oldid=345145"