STS-127

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Insigne vaan de STS-127 missie

STS-127, ofwel voloet Space Transportation System 127, is 'n Space Shuttle missie nao 't International Space Station. De missie woort oetgeveurd door de Endeavour en is op 15 juli 2009 gelanceerd. De Endeavour bringk 't lèste deil vaan de Japanse experimintmodule Kibo, de Exposed Facility nao 't ISS. Dees module stèlt de wetensjappers in staot um experiminte te doen die volledeg aon de umstandeghede vaan de ruimte weure bloetgestèld. Daorum neump me dees module ouch wel 't balkon vaan 't ISS. De missie doort 16 daog en is op 31 juli 2009 ge-eindeg mèt de landing op 't Kennedy Space Center in Florida.

Lancering[bewirk | brontekst bewerken]

Blikseminslaag op de lanceerinriechting op 11 juni.

De lancering vaan dees missie is versjèllende kiere oetgestèld, vanwege technische probleme mer ouch vanwege 't weer. De oersprunkeleke lanceerdatum waor 13 juni 2009. Umtot 't probleme gaof mèt 'n leek bij 't tanke vaan de externe brandstoftank woort dat oetgestèld tot 17 juni 2009. Toen gaof 't evels 'n zelfde probleem en woort 't obbenuits oetgestèld, noe tot 11 juli 2009. Op dee datum waor 't slech weer, zjus wie op d'n 12e en d'n 13e juli, boenao oeteindelek op 15 juli 2009 um 18:03 EDT (UTC-4, ofwel op 16 juli 2009 0:03 Nederlandsen tied) de lancering kós plaotsvinde.

Tijdens de lancering kaome weer stökke isolatiemateriaol los vaan d'n externe tank, boedoor meugelek de hittetegels aon d'n oonderkant vaan de Space Shuttle sjaoj oplepe (de reie vaan 't oongelök mèt de Columbia in 2003). 'n Ierste inspectie mèt de roboterm leet zien tot de sjaoj mètveel, mer toch woort d'n oonderkant vaanoet 't ISS mèt hoegresolutiecamera's gefotografeerd veur nader oonderzeuk, veurtot de Endeavour koppelde mèt 't ISS.

Missie-tiedlijn[bewirk | brontekst bewerken]

15 juli, daag 1[bewirk | brontekst bewerken]

Lancering.

16 juli, daag 2[bewirk | brontekst bewerken]

't Hittesjèld van de Endeavour weurt gecontroleerd op defecte tegels.

17 juli, daag 3[bewirk | brontekst bewerken]

De Endeavour weurt aon 't ISS gekoppeld.

18 juli, daag 4[bewirk | brontekst bewerken]

De Exposed Facility is aon Kibo gekoppeld mèt behölp vaan Canadarm2. Daoneve weure nog twie componente aon SS gekoppeld. Daoveur waor 'n ruimtewandeling nudeg, de ierste vaan dees missie. 't Bleek neet nudeg um 't hittesjèld vaan de Endeavour weier te kontrolere, allewel de shuttle nog neet is vrijgegeve veur trökkier door de dampkrink.[1]

19 juli, daag 5[bewirk | brontekst bewerken]

Op daag 5 is veural väöl gebäörd mèt de roboterm woebij 'ne pallet mèt reserve-oonderdeile woort gekoppeld aon 't ISS. In 't ISS heet 'n probleem d'n aondach: ein vaan de 2 wc's aon boord vaan 't ISS deit 't neet.

20 juli, daag 6[bewirk | brontekst bewerken]

Op daag 6 is de twiede ruimtewandeling gepland, woebij de reserve-oonderdeile weure gekoppeld aon 'n opslaagplaots boete 't ISS. 't Plaotse vaan reserve-oonderdeile is nudeg in verband mèt de veurzene "pensionering" vaan de space shuttle. Daoneve zouw 'ne camera geïnstalleerd weure op de Exposed Facility, mer dit is oetgestèld vanwege tiedgebrek. De ISS-astronaute zien bezeg gewees mèt de reparatie vaan de wc. Deze is aon 't ind vaan d'n daag, nao oetvoereg teste, weer in gebruuk genome.

21 juli, daag 7[bewirk | brontekst bewerken]

Op dezen daag is väöl gewèrk mèt de roboterm vaan de space shuttle en 't ISS, um vrach vaan 't ruim vaan de space shuttle euver te bringe nao 't ISS.

22 juli, daag 8[bewirk | brontekst bewerken]

'n Groet deil vaan dezen daag zouw bestoon oet 'r vervaange van 4 vaan de 6 batterije vaan ein vaan de modules mèt zonnecelle tijdens de daarde ruimtewandeling. Evels gaof 't 'n probleem mèt 'ne CO2-wasser in 't ruimtepak bij ein vaan de astronaute, boedoor ze nao 't verwissele vaan twie batterije móste stoppe.

23 juli, daag 9[bewirk | brontekst bewerken]

Op daag 9 weurt veur 't iers gewèrk mèt de Japanse roboterm vaan 't Kibo-laboratorium, woebij instruminte weure verplaots nao 't "balkon".

24 juli, daag 10[bewirk | brontekst bewerken]

Op daag 10 zien tijdes de veerde ruimtewandeling de veer resterende batterije vervaange in de P6 Truss-module. Daoneve is de camera geinstalleerd dee in de twiede ruimtewandeling neet geïnstalleerd kos weure i.v.m. d'n tied.

25 juli, daag 11[bewirk | brontekst bewerken]

'ne Vrijen daag veur de bemanning.

26 juli, daag 12[bewirk | brontekst bewerken]

Op daag 12 weurt de container boe-in de experiminte veur Kibo zitte mèt de roboterm trökgeplaots in 't ruim vaan de Endeavour en weurt veurraod oet de Endeavour euvergebrach nao 't ISS.

27 juli, daag 13[bewirk | brontekst bewerken]

Ruimtewandeling 5: de voeding veur de gyroscope die nudeg zien veur 't ISS stabiel te hawwe weurt op 'n aander meneer aongeslote um probleme in de touwkoms te veurkoume. Daoneve weure videocamera's geïnstalleerd op 't Japans "balkon".

28 juli, daag 14[bewirk | brontekst bewerken]

Aofsjeid vaan 't ISS, vendaog weurt 't luik geslote.

29 juli, daag 15[bewirk | brontekst bewerken]

Endeavour kort nao 't oontkoppele

De Endeavour weurt oontkoppelt vaan 't ISS. Heinao weurt iers roond 't ISS gevloge um foto's te make vaan de veranderinge die höbbe plaotsgevoonde. Es lèste volg nog een inspectie vaan 't hittesjèld, veurtot ze te wied vaan 't ISS zien.

30 juli, daag 16[bewirk | brontekst bewerken]

Allerlei controles veur de landing weure oetgeveurd. Twie satelliete weure nog in 'n baon um d'n Eerd gebrach, DRAGONSAT en ANDE-2. Weier weurt 'ne speciale stool geïnstalleerd veur de Japansen astronaut Wakata, dee 3 maond in gewiechloosheid is gewees, um de landing veur häöm mekeleker te make.

31 juli, daag 17[bewirk | brontekst bewerken]

Landing vaan Endeavour op 't Kennedy Space Center in Florida. De landing voont plaots um 16:48 Nederlandsen tied. De Endeavour is 16 daog, 16 oor en 44 minute vaan de groond gewees en heet daobij mie es 10,5 miljoen kilometer aofgelag.

Referenties[bewirk | brontekst bewerken]

  1. William Harwood for CBS news (July 18, 2009). "Shuttle heat shield inspection finds no major issues". 
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=STS-127&oldid=341452"