Rubicon (Italiaanse reveer)

Van Wikipedia
Gank nao: navigatie, zeuke

Dit artikel is gesjreve in 't Norbiks. 't Weurt gewaardeerd óm in dit artikel 't Norbiks aan te hauwe of aan te gaeve welk anger dialek gebroek is.


Locatie van de Rubicon in Italië

De Rubicon is 'n grensreveer tösje Latium, dat in d'r Romeinse tied dör d'r Senaat waoërt besjtuurd, en de Romeinse provincie Gallia Cisalpina, in Noordoost-Italië, oetmondend in de Adriatische Zieë bie Ravenna.

In de Romeinse wèt waor vasgelag dat 'ne generaal mèt 'n sjtaond leger de Rubicon neet moeg övversjtaeëke; bliekbaar waoërt dit te bedreigend geach vör de politieke machhöbbers. De reveer waoërt bekaand wie Julius Caesar en z'n legioene in 49 v.Chr. de reveer zuidwaarts övversjtoke nao de verovering van Gallië, oeëmèt d'r braoëk mèt d'r Senaat 'n feit waor, wat dörchgoeë mèt 'ne sjtaotsgreep oonvermijdelek maakde. Caesar sjpraok hiebie de illustere wäörd Alea iacta est (Latien: d'r teerling is geworpe).
Hieoet greujde 't gezèkde "De Rubicon övversjtaeëke" oeëmèt me bedoelt: Dat gèèt te wied, mae ooch op 'n cruciaal momaent 'ne daod sjtèlle, en daomèt in d'r praktijk 'n doeëdgezjwaege woeërhèèd an 't lich brènge, die daodör dör gènge oeëts nog betwist kan werre. Es get nog neet övver de Rubicon is, wèlt dat zègke dat nog gèng partiej te wied gegange is en dat 'n akkaoërd nog mäögelek is.