Rogkel
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Rogkels, as te dit dialek sjpriks.
Rogkel (Nederlands Roggel) is e dörp in de gemeinte Leudaal in Nederlands Limburg mèt op 1 januari 2009 4106 inwoeners. 't Ligk kort noordoostelek vaan Heitse en westelek vaan Naer. Besjermheilege vaan Rogkel is Sint-Pieter; in 't dörp steit de Pieterskèrk, boete de kom vint me de Pietersmeule. Rogkel heet es ein vaan de wienege plaotse in Limbörg 'nen eige carnavalsnaom ('ne Braobantse traditie), naomelek Sjansemaekersriek.
[bewirk] Historie
D'n oersprunk vaan de naom Rogkel is oondudelek. Me kin 't aofleie vaan 't Latiens rogus wat dingplaots beteikent (d.w.z. verzaomelplaots in de Aajd-Germaanse cultuur); ouch zouw 't 'n aofleiing kinne zien vaan roke-loe 'krejjebos'.[1] Rogkel is oontstande aon de Rogkelse Baek en d'n dao-aon gelege verbindingsweeg vaan Hale nao Mael (Meijel), op de plaots boe dee ziech kruusde mèt de weeg vaan Heitse nao Naer. De weeg nao Helje is vaan väöl later (twintegsten iew).[2]
In 1991 góng de gemeinte Naer op in de gemeinte Rogkel, die twie jaor later tot Rogkel en Naer woort umgeduip. Dees gemeinte bleef bestoon tot 2007, wie ze opgóng in de nui gemeinte Leudaal.
