Ringelaot

Van Wikipedia
Gank nao: navigatie, zeuke

Dit artikel is gesjreve in 't Gelaens. 't Weurt gewaardeerd óm in dit artikel 't Gelaens aan te hauwe of aan te gaeve welk anger dialek gebroek is.


Reine Claude Verte

Ringelaote of Rèngelaote (reine claude) is 'n awt proemeras. De Limburgse naam is ’n verbastering van de in Nederlandj en Belsj algemein gangbare naam reine claude. Dit proemeras sjtamt vermoedelik oet de 16e eëuw en besjteit in versjillende variante, wó-onger Reine Claude d'Althann, Reine Claude d'Oullins en Reine Claude Verte. De proem is in roaj en greun variëteite verkriegbaar en wirt ouch gebruuk es basis veur limmenadesjroap of ranja. Ze zint ouch heël gesjik veur 't make van confiture.

De proem óntleënt ziene naam aan keuningin Claude, de echgenote van Frans I van Frankriek.

De tied dat de proem riep is óm geplök te waere, varieert van hauf augustus pès eindj augustus. 't Is 'n relatief klein proem. 't Formaat van de proem ligk tösje de 32 en 42 mm in doorsjnee. De buim wo-aan ze greuje zint middelmatig tot vriej hoag (haufsjtam en hoagsjtam).

In Limburg zint dees proemebuim vriewaal heëlemaol verdwene, mèr allewiel waere ze weer sjteeds meë in ’t landjsjap waargenómme.

Aod Norbiks versje[bewirk | brontekst bewerken]

De ringelaot
is inderdaod
de paerel van de proem



Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Ringelaot&oldid=341867"