Reveer

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


De Maas in Mestreech mèt Seent-Servaosbrögk

'n Reveer is 'ne min of mieë natuurleke watersjtroom dae mètstens langer is en mieë water verveurd es 'n baeëk. V'r oondersjèjje oceanische revere die in 'n zieë of 'n oceaan oetmonde, en continentaal revere die in 'n meer, 'n moeras of 'n woestijn eindige.

Eeder reveer liegkt in 'n sjtroomgebied. Dat is 't totale omringende gebied oeëbinne al 't övertollige water via die èng reveer wert aafgeveurd. De sjèj tösje twieeë sjtroomgebiede wert de watersjèjjing geneumd. De bepaling van d'r leenker- en d'r rechteroever van 'n reveer gebeurt vanaaf de bron (in de richting van de sjtroming) van de reveer gezieë.

Langste revere[bewirk | brón bewèrke]

Volgens väöl deskundige is de Niel met zijn 6650 km de langste reveer op de waelt. In eeder geval is 't de langste reveer van Afrika. De Amazone is 6437 km laank, de Blauw Reveer 6380 km, de Missouri/Mississippi 5970 km, de Ob 5410 km, de Gael Reveer 4830 km, de Kongo 4630 km, de Lena 4400 km, de Amoer 4350 km, de Mekong 4345 km en de Jenisej 4102 km.

Van de revere die dör de Nederlande sjtrome is d'r Rien de langste met zijn 1320 km. Op de waeltranglies bezèt ze 'n gedeelde 111de plaatsj. De twiede reveer is de Maas met 900 km en daonao volge de Sjelde met 350 km en de IJzer met 78 km.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Reveer&oldid=435428"