Rimmezjdel

Van Wikipedia
(Doorverweze van Remersdaal)
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Oos-Voeres, es te dit dialek sjpriks.

Kèrk va Rimmezjdel in Ingelsje neogotiek

Rimmersjdel (Nederlands: Remersdaal, Fraans:Remersdael, Waols: Rèbiévå) ies 'n kèrkdörp in de gemeinte Voere in Belsj Limburg. De Rimmersjdelse baek, die hie sjtruimp, ies ’n zierivier van de Gulp.


Sjtatie Remersdaal[bewirk | brón bewèrke]

Sint-Martens-Voeren en Remersdaal houwe bies 2 juni 1957 'n sjtatie op de Montzenerlijn, tösje Aoke en Tóngere. Vanaaf 1 februari 1921 waor d'r personevervoer op lien 24 van Visé nao Montzen [1]

Bezeenswaerdig[bewirk | brón bewèrke]

Landsjappelek bekeke huèrt 't dörp bie 't bocage-landsjap van 't Land van Herf, mèt de typische kènmerke:

  • versjpreid liegkende häöf en hoezer
  • weie en hègke
  • wiènig bösj.

De volgende sectie van dit artikel is gesjreve in 't Norbiks.

Vereiniginge[bewirk | brón bewèrke]

  • Harmonie Royale Geneviève Rémersdael
  • Association Anciens Combattants Rémersdael (vereiniging van oud-strijders)
  • Soc. de Tir Saint-Héribert de Rémersdael (sjötterie)
  • Chorale Saint-Jean (zangkoar)

Gemèndeleke indeling, taal en dialekt[bewirk | brón bewèrke]

  • Vör 1851 hoeërt Rimmersjdel bie de gemèngde Hommerig.
  • De kèrktaal is saer 1963 't Frans.
  • Vör 1977 waor 't dörp 'n zelfsjtendige gemèngde.

Sociaal, cultureel en economisch sjluut 't dörp nog ömmer aa bie Plombières. Ooch 't hie-oonder besjraeve Plat wert in de dörper van de gemèngde Plombières gekald.

Rimmesjdel Plat[bewirk | brón bewèrke]

Betrach Platt va Rimmezjdel veur 't hoofartikel euver dit óngerwerp.

't Rimmesjdel Plat is 'n Zuudnederfrankisch dialekt tösje de Uerdinger Seitenlinie en de Benrather Linie en behuurt bie 't Oos-Voeres. D'r moderne vocabulair is evvel oet 't Fraans övergenaome en neet oet 't Duutsj of oet 't Nederlands of 't Vlamsj. Dit gegaeve kan leide töt de miening va Nederlanders dat 't hie öm 'n Romaans dialek zow goeë, wat 't qua modern woordesjat ooch is.

Väörbeelde[bewirk | brón bewèrke]

  • In Rimmesjdèl zaet me es me Plat kalt tòch gewoeën Joyeux Noël en Bonne Année.
  • Wie de suppozitware gènge avvans mie howwe, haat de aefirmjaer 'n piekuur gezat. (Toen de zetpille nèèt mie holpe, hat de verpleegster 'n sjpeut gegaeëve.)
  • 't Is mich paraej, mae 'ch raon dich aa öm mèt die vwatuur de roet neet mie op te goeë: de frenge zeunt op, de battriej is plat, d'r zjwae-de-culas sjtèèt op sjpringe en - has-te dat vu - d'r rezerve-roe mankeert. ('t Is mich egaal, mae 'ch raoj dich aan öm mèt dae otto d'r waeëg neet mie op te goeë: de remme wèrke neet mie, d'r accu is laeg, de V-sjnaor left neet mie lang en - has-te dat gezieë - 't rezerve-rad oontbrèkt.)

Referentie[bewirk | brón bewèrke]

 
Gemeinte Voere
Vaan van Voere
Deilgemeintes en dörper: De Plaank · Moelinge · S'n Maeëte · S'n Pieëter · Täöve · Rimmersjdel · Voere
Gehuchte en buurtsjappe: A g'n Eke · Baerg · Brook · De Daal · Dreenk · de Hèj · Katterot · Kètte · Knap · D'r Krindel · Kweente · Maazsjes · Magne Bois · Nurep · Obsinnich · Paerds · Pensool · Roeje Bösj · Rule · Sjilberg · Sjoppemer Hèj · Sjoppem · Ulvend · Vaoësj · Vaoërzjervaeld · Vitsje · Sinnich · Zjwaan
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Rimmezjdel&oldid=458971"